Зісер пасьля допыту: Расьсьледаваньне «справы БелТА» можа заняць месяцы і гады
8 жніўня 2018
Амаль тры гадзіны дапытвалі 8 жніўня заснавальніка парталу Tut.by Юрыя Зісера па «справе БелТА». Ён даў падпіску аб неразгалошваньні.
«Усё нармальна, пачуваюся добра», — пракамэнтаваў акалічнасьці допыту Зісер.
Думка заснавальніка Tut.by наконт «справы БелТА» не зьмянілася. 7 жніўня Юры Зісер напісаў у сваім фэйсбуку пра відавочную палітычную падаплёку затрыманьняў журналістаў і ператрусу ў офісе Tut.by.
«Я па-ранейшаму лічу, што маштаб падачы гэтай падзеі перад грамадзкасьцю дзяржава раздула да касьмічных маштабаў, гэта не адпавядае маштабам учыненага», — сказаў Зісер.
Юры Зісер ня ведае, колькі можа заняць расьсьледаваньне і суд, але адзначыў што справа можа зацягнуцца.
«Гэта не да мяне пытаньне, але я думаю, калі гэта ўжо такое расьсьледаваньне, то гэта месяцы, а можа і гады» – сказаў Зісер.
З затрыманымі журналісткамі парталу Зісер у Сьледчым камітэце не сустракаўся, новай інфармацыі пра іх няма.
7 жніўня затрымалі 8 супрацоўнікаў Tut.by. Чатырох — Ульляну Бабаед, Людмілу Чэкіну, Яўгенію Беразюк, Дзьмітрыя Бобрыка — пасьля допыту ўвечары ў аўторак адпусьцілі. Яшчэ 4 журналісты застаюцца затрыманымі: Марына Золатава, Ганна Калтыгіна, Ганна Ермачонак і Галіна Ўласік.
@bajmedia
Лукашук: У Беларусі вайна супраць журналістаў, а не журналісты на вайне, як у Афганістане
18.05.2024
Журналісты Беларускага расследавальніцкага цэнтра абвешчаныя ў міждзяржаўны вышук
31.07.2024
Улады прызналі «экстрэмісцкім» кантэнт старонак «Новага Часу», «Брестской газеты», «Белсата» і іншых медыяў
16.02.2024
Фільм «Пад шэрым небам», натхнёны гісторыяй журналістаў Кацярыны Андрэевай і Ігара Ільяша, пакажуць на кінафестывалі ў Гдыні
11.09.2024
