Журналісты Euronews абвясьцілі 24-гадзінны страйк супраць скарачэньня ўкраінскай службы
16 снежня 2016
Журналісты Euronews абвясьцілі 24-гадзінны страйк ў падтрымку ўкраінскай, пэрсыдскай і арабскай службаў, якія кіраўніцтва тэлеканала плянуе зачыніць або скараціць.
Страйк пачаўся апоўначы 15 сьнежня. Журналісты, а таксама супрацоўнікі тэхнічных службаў, якія падтрымалі страйк, ня будуць рыхтаваць выпускі навін. Супрацоўнікі карпарацыі выступаюць супраць плянаў кіраўніцтва скараціць з красавіка наступнага году ўкраінскую рэдакцыю празь недахоп фінансаваньня.
5 сьнежня журналісты Euronews упершыню ў гісторыі тэлеканалу правялі страйк. Тады яны, акрамя іншага, абвінавацілі кіраўніцтва ў цэнзуры і неабʼектыўным асьвятленьні інфармацыі.
Зь лютага 2015 году больш за палову акцый Euronews знаходзіцца пад кантролем эгіпэцкага мільярдэра Нагіба Савірыса. Бізнэсовец набыў іх неўзабаве пасьля візыту ў Эгіпэт прэзыдэнта Расеі Ўладзімера Пуціна, што выклікала ў журналістаў асьцярогі адносна рэдакцыйнай палітыкі і незалежнасьці тэлеканалу.
У цяперашні час абмяркоўваецца набыцьцё значнай долі Euronews амэрыканскай карпарацыяй NBC News.
@bajmedia
В Азербайджане задержали 8 журналистов независимых медиа
05.12.2023
У якіх краінах жыхары давяраюць СМІ: найбольшы давер у Японіі, найменшы ў Сербіі
02.07.2024
Памёр генеральны сакратар міжнароднай арганізацыі «Рэпарцёры без межаў» Крыстоф Дэлуар
10.06.2024
Российский «Первый канал» лишился вещания в Армении из-за долгов
29.05.2024
