Журналіст Андрэй Мялешка перамог у конкурсе Tut.by «Гродна майго дзяцінства»

Шляхам галасавання было вырашана, што лепш за ўсіх пра Гродна распавёў жыхар гэтага горада Андрэй Мялешка.

Аўтар успамінаў пра тое, што яго дзяцінства прайшло ў адным з цэнтральных раёнаў горада пад назвай «Шанхай». Распавёў і пра самы далёкі раён — «Палестыну», куды ён дзіцем прыходзіў за рознымі цікавымі рэчамі. Побач праходзіла чыгунка, і для тагачасных хлапчукоў было ўдачай знайсці рознакаляровыя шкляныя шарыкі, якія везлі на мясцовы шклозавод, або незвычайныя шрубы, балты, цвікі.

З аповеду-пераможцы можна таксама даведацца, якую гару ў Гродне называлі Шура-Бура і дзе быў мост «даўжынёй у два тыдні».

Астатнія гісторыі, дасланыя на конкурс «Гродна майго дзяцінства», можна прачытаць тут.