Завод падаў у суд на “Рэгіянальную газету”. Патрабуе абвяржэння інфармацыі пра мыла на вяровачцы
13 студзеня 2020
Вы памятаеце мыла на вяровачцы? “Каб не скралі. У прыбіральні на маладзечанскім заводзе мыла прывязалі на вяроўку”. Пад такім загалоўкам 10 кастрычніка мінулага года на сайце “Рэгіянальнай газеты” была змешчаная фатаграфія, якую даслаў у рэдакцыю чытач выдання.
Праз некалькі гадзін дырэктар прадпрыемства Алег Тапалаў пракаментаваў гэты фотаздымак словамі: “Гэта правакацыя”.
Цяпер завод праз суд патрабуе ў “Рэгіянальнай газеты” публічнага прабачэння і абвяржэння інфармацыі пра мыла на вяровачцы. На думку кіраўніцтва прадпрыемства, звесткі, якія былі апублікаваныя, не адпавядаюць рэчаіснасці і могуць адмоўна адбіцца на фінансавых выніках прадпрыемства. Позва пададзеная ў Мінскі абласны эканамічны суд.
“Рэгіянальная газета” не прызнае прэтэнзіі істца паколькі матэрыял не ўтрымлівае не адпаведных рэчаіснасці звестак, у публікацыі няма звестак, якія б знеслаўлялі істца.
Пасяджэнне адбудзецца 16 студзеня ў 15.00 па адрасе Мінск, вул. Жылуновіча, 15, кабінет № 713, суддзя Ірына Мікалаеўна Шпак.
Самыя важныя навіны і матэрыялы ў нашым Тэлеграм-канале — падпісвайцеся!
@bajmedia
Дакументальны фільм пра беларускіх творцаў-эмігрантаў «Дом там, дзе я?» трапіў у праграму Festival migrantskega filma ў Славеніі
17.09.2024
Віцебскі ідэолаг на Youtube-канале абласной газеты «Витебские вести» распачаў уласны відэаблог
13.08.2024
У Беларусі арыштавалі нерухомасць журналісткі Таццяны Каравянковай
18.10.2024
Журналистка БТ Ксения Лебедева похвасталась медалью «За содействие СВО»
29.01.2024
