Затрымалі Паўла Мажэйку

Павел Мажэйка вучыўся гістарычным факультэце Гродзенскага ўніверсітэта, пасля доўгі час займаўся журналістыкай.

У сакавіку 2021 года Паўла Мажэйку затрымлівалі разам з мастаком Алесем Пушкіным. Тады Мажэйку вызвалілі пасля 72 гадзіны.

У свой час Павел Мажэйка працаваў у газеце «Пагоня» Мікаля Маркевіча.

У 2002–2004 гадах ён быў прысуджаны да «хіміі» за «паклёп» на Аляксандра Лукашэнку ў артыкуле аб знікненні Захаранкі, Ганчара і іншых апанентаў кіраўніка Беларусі.

Журналіст вёў аўтарскія праграмы на «Белсаце» і быў выканаўчым дырэктарам канала, але не стаў заставацца ў Польшчы, а вярнуўся ў Гродна, дзе стварыў «Цэнтр гарадскога жыцця».

Цяпер цэнтр ліквідаваны згодна іскавай заяве пракуратуры горада Гродна.

У 2021 годзе на Паўла Мажэйку, кіраўніка пляцоўкі «Цэнтр гарадскога жыцця», мастака Алеся Пушкіна і «іншых асоб» 26 сакавіка завялі крымінальную справу па ч.3 арт. 130 КК за дзеянні, накіраваныя на рэабілітацыю і апраўданне нацызму.

Прычына — дэманстрацыя 19 сакавіка на выставе карцін партрэта Яўгена Жыхара з аўтаматам на плячы, паведаміла пракуратура. Пазней быў адпушчаны з фармулёўкай «зніклі падставы для затрымання».

Чытайце яшчэ:

З’явіўся бясплатны беларускі музычны сайт, дзе размешчана больш 4000 песень, беларускія аўдыякнігі і казкі

В Ереване погибла бывший гендиректор фонда Internews Манана Асламазян

Суд над палітвязнем Сяргеем Сацуком распачнецца 23 верасня