Забойства Шарамета: у следства дагэтуль няма падазраваных
2 лістапада 2017
Намеснік начальніка ўпраўлення Галоўнага следчага ўпраўлення Нацыянальнай паліцыі Украіны Аляксандр Коўтун заявіў, што падчас расследавання забойства журналіста Паўла Шарамета дапытаныя больш за тры тысячы сведкаў, аднак падазраваныя дагэтуль не ўстаноўлены.
«Забойства Паўла Шарамета. Яго расследаванне ажыццяўляецца непасрэдна Галоўным следчым упраўленнем. На жаль, падазраваныя асобы на дадзены час не ўсталяваныя», – сказаў Коўтун.
Паводле ягоных слоў, паліцыяй праведзены «значны аб’ём» следчых вышуковых дзеянняў, адпрацоўваюцца разнастайныя версіі і дасудовае расследаванне працягваецца. У гэтым кантэксце прадстаўнік паліцыі дадаў, што ў ходзе следства былі дапытаныя больш за тры тысячы сведак, паведамляе «Украінфарм».
Нагадаем, Павел Шарамет быў забіты 20 ліпеня 2016 года ў цэнтры Кіева – у яго аўтамабілі спрацавала бомба. Не зважаючы на тое, што расследаванне справы пад асабісты кантроль узяў прэзідэнт Украіны Пятро Парашэнка, ні выканаўцаў, ні замоўцаў злачынства да сёння гэтак і не знайшлі.
@bajmedia
У Кыргызстане арыштавалі 11 незалежных журналістаў. Праваабаронцы выступілі з заявай
19.01.2024
БАЖ выказвае спачуванні ў сувязі з заўчаснай смерцю генсека «Рэпарцёраў без межаў»
10.06.2024
Украінская вядучая перадачы «Арол і рэшка» атрымала расійскае грамадзянства
21.03.2024
Украіна агучыла, колькі прадстаўнікоў украінскіх медыяў знаходзіцца ў расійскім палоне
31.05.2024
