За антысеміцкі анекдот журналістку ютуб-канала «Живой гвоздь» адхілілі ад эфіру

У адказ расійская журналістка напісала ў сваім тэлеграм-канале, што не вярнецца ў праграму.

Скандал разгарэўся 21 кастрычніка, калі на пачатку 6‑гадзіннага прамога эфіру Ліза Лазерсан распавяла анекдот пра яўрэйскіх немаўлят. Антысеміцкі жарт выклікаў масавую незадаволенасць слухачоў. На наступны дзень за гэты няўдалы выпадак папрасіў прабачэння не толькі непасрэдна журналістка, але і спадар Венедыктаў.

Як піша «Медуза», Ліза Лазерсан, пераказваючы стары савецкі анекдот, думала, што  ён будзе ўспрыняты як сцёб над антысемітызмам.

— Вядома, я была абсалютна сляпая і неадчувальная да таго, што людзі ўспрынялі гэта ў кантэксце трагедыі 7 кастрычніка, якую яны перажываюць у Ізраілі. Я хачу папрасіць прабачэння асабіста перад усімі, каго абразіў гэты анекдот у кантэксце той жахлівай трагедыі, якая адбылася. Мае самыя глыбокія, шчырыя прабачэнні. Я дакладна не хацела ніяк наогул расказваць яго ў кантэксце смерці немаўлят і ніяк не думала, што гэта будзе такім чынам увязана, — сказала вядучая.

Чытайце яшчэ:

После публикации военной рекламы среди объявлений гробовщиков из сети пропал сайт мозырской районки

«Я не хачу працаваць!» Рэдакцыя Сенненскай раёнкі выкладае ролікі з такімі прызнаннямі

Міністэрства інфармацыі разблакавала сайт «Прэсбола»