З Украіны за прапагандысцкія рэпартажы выслалі яшчэ адну расійскую журналістку
15 жніўня 2017
Улады Украіны выслалі з краіны спецыяльнага карэспандэнта ВГТРК Тамару Нерсясьян. Аператар, які быў разам з ёй, застаўся ва Украіне, яго шукаюць.
Журналістку і аператара ўнеслі ў базу сайта «Міратворац». Нерсясьян забаранілі ўезд ва Украіну на тры гады. Служба бяспекі краіны абвінаваціла яе ў тым, што яна ўяўляе «пагрозу цэласнасці ўкраінскай дзяржавы».
Тамару Нерсясьян затрымалі ўвечары 14 жніўня, адвезлі на ўкраінска-расійскую мяжу і высадзілі каля пагранпераходу.
Гэта не першы выпадак. У канцы ліпеня ўлады Украіны выправадзілі з краіны журналістку Марыю Князеву, якая працуе на тэлеканалах «Расія‑1» і «Расія-24». Кіеў палічыў, што карэспандэнт выкарыстала атрыманую ва Украіне інфармацыю для «тэндэнцыйнага асвятлення сітуацыі».
Каб абмежаваць уплыў расійскай прапаганды ва ўмовах узброенага канфлікту на усходзе, ва Украіне забароненыя эфіры тэлеканалаў «Расія», «Расія 24», Першага канала, НТВ, Russia Today, LifeNews, «Зорка» і іншых.
@bajmedia
У Латвіі прапануюць забараніць TikTok з‑за распаўсюду расійскай прапаганды
17.07.2024
«Са сваёй сям’ёй і ўсміхаецца». З палона вызвалена дачка ізраільскага журналіста, чыя гісторыя разышлася па свеце
28.11.2023
«Такое можна ўбачыць толькі ў кіно». Эстонскі фатограф зняў навальніцу падчас паўночнага ззяння
05.08.2024
Украіна агучыла, колькі прадстаўнікоў украінскіх медыяў знаходзіцца ў расійскім палоне
31.05.2024
