З барысаўскай раёнкі звольнілася галоўная рэдактарка — у эфіры лукашэнкаўскага блогера яна скардзілася на праблемы ў горадзе
24 жніўня 2022
З барысаўскай раённай газеты «Адзінства» сышла галоўная рэдактарка Кацярына Вераб'ёва. У пачатку чэрвеня яна дала інтэрв'ю праўладнаму блогеру Аляксею Голікаву, дзе паскардзілася на праблемы райцэнтра.
23 жніўня Вераб’ёва выклала ў Instagram фота працоўнай кніжкі і падпісала яго: «Больш не галоўрэд «Адзінства». А таксама працытавала верш Яўгена Еўтушэнкі пра «не надо бояться быть честным, но битым, а надо бояться быть лживым и сытым».
Прычыны сыходу яна не патлумачыла.
У інтэрв’ю Голікаву Вераб’ёва скардзілася, што райцэнтрам не надаюць дастаткова ўвагі («калі праехацца па рэгіёнах — усё не так прыгожа»), у Барысаве ніяк не пабудуюць новую паліклініку дый дарогі кепскія.
«Нашай Ніве» тады расказалі, што ў рэдактаркі «Адзінства» пасля гэтага інтэрв’ю ўзніклі пэўныя праблемы, а лінія дыскусіі Голікава нагадала адказным за ідэалогію «стыль ранняга Ціханоўскага».
Чытайце яшчэ:
«Надпіс PRESS не выратуе нас ад стрэлаў расійскіх салдат»: шчыры аповед украінскіх журналістаў пра працу на вайне
Іспанія, Партугалія, Таджыкістан: высветлілі, дзе адпачываюць скандальныя прапагандысты
У Сяргея Серабро ўзялі пісьмовыя тлумачэнні, як ён асвятляў падзеі 2020-га на сваім сайце
@bajmedia
