Яўген Меркіс сустрэне дзень народзінаў за кратамі
7 лістапада 2023
Палітзняволены журналіст Яўген Меркіс адзначыць дзень нараджэння ў шклоўскай калоніі. 8 лістапада вядомаму гомельскаму краязнаўцу, журналісту і гісторыку Яўгену Меркісу споўніцца 37 год. Гэта другі дзень народзінаў, які ён сустракае за кратамі, піша «Штодзень».
Яўген Меркіс — журналіст, які працаваў на Гомельшчыне карэспандэнтам некалькіх незалежных СМІ. Ён асвятляў пратэсныя акцыі і вёў стрымы з месца падзей. Яго неаднаразова затрымлівала міліцыя, праз суды штрафавала і адпраўляла на суткі. Пасля прызнання шэрагу незалежных СМІ “экстрэмісцкімі фармаваннямі” Яўген засяродзіўся на краязнаўстве. 13 верасня 2022 г. у Гомелі ў другой палове дня ў кватэры журналіста прайшоў ператрус, пасля чаго ў Яўгена канфіскавалі носьбіты інфармацыі, а яго самога затрымалі.
Яўгена Меркіса асудзілі на 4 гады калоніі ва ўмовах узмоцненага рэжыму па абвінавачанні ў стварэнні экстрэмісцкага фармавання альбо ўдзеле ў ім (ч. 3 арт. 361–1 Крымінальнага кодэкса), а таксама ў садзейнічанні экстрэмісцкай дзейнасці (ч. 1 і 2 арт. 361–4 Крымінальнага кодэкса).
Адрас для лістоў: ПК № 17. 213004, г. Шклоў, вул. 1‑я Заводская, 8
Яўген Аляксандравіч Меркіс
Чытайце яшчэ:
6 лістапада Марына Золатава адзначае Дзень народзінаў. Трэці год за кратамі
Выкрывайце правільна: аналіз і дэканструкцыя прапагандысцкіх наратываў
Беларуская журналістка Юлія Цяльпук трапіла ў жорсткую аварыю ў Польшчы. Збор сродкаў
@bajmedia
«Мы паўтаралі адна адной: «Дыхай. Дыхай». Даша Чульцова — пра апошні стрым з плошчы Пераменаў і Кацю Андрэеву
15.11.2023
«Адкрыта прапагандуе палітыку тэрору ў дачыненні да «непаслухмяных» журналістаў». Як М’янма дэмакратызавалася наадварот
01.12.2023
Маргарита Левчук: Когда все плохо, только юмор и сатира могут нас спасти
06.01.2024
Журналіст Павел Казарын, які ваюе з першых дзён: Украінскія хэмінгуэі і рэмаркі, калі выжывуць, пачнуць пісаць кнігі
13.11.2023
