Ярмошына не пусціць блогераў і рэгіянальныя СМІ ў прэс-цэнтр парламенцкіх выбараў
24 верасня 2019
Старшыня ЦВК выступіла за тое, каб туды мелі доступ толькі супрацоўнікі акрэдытаваных пры МЗС і «цэнтральных» СМІ.
Старшыня Цэнтральнай выбарчай камісіі Лідзія Ярмошына 24 верасьня на паседжаньні камісіі выказалася пра журналістаў, якім дазволяць працаваць у адмысловым прэсавым цэнтры. Яго традыцыйна ствараюць падчас парлямэнцкіх і прэзыдэнцкіх выбараў.
«З журналістамі, якія працуюць на замежныя мэдыі, усё зразумела. Яны акрэдытуюцца празь Міністэрства замежных спраў. А што рабіць з нашымі? Прапаную прапускаць толькі прадстаўнікоў цэнтральных мэдыяў. Бо калі мы дазволім уваход і прадстаўнікам раённых газэт, то ўсім ня хопіць месца.
Яшчэ ж ёсьць блогеры. А кожны зь іх лічыць сябе сродкам масавай інфармацыі. Я днямі адкрыла на сваім кампутары партал Tut.by. Зацікавіў матэрыял пра знакамітых людзей і іх хатніх улюбёнцаў. І хто вы думаеце, гэтыя знакамітыя людзі? Адны блогеры!»
Чальцы ЦВК аднагалосна выказаліся за тое, каб доступ у Палац Рэспублікі, дзе традыцыйна месьціцца выбарчы прэсавы цэнтар, атрымалі толькі прадстаўнікі цэнтральных беларускіх мэдыяў.
@bajmedia
Брэсцкі абласны суд разгледзіць заўтра апеляцыйную скаргу зняволенага блогера Аляксандра Ігнацюка
27.05.2024
Вынеслі завочны прысуд праваабаронцу Леаніду Судаленку
17.06.2024
Журналистам станет еще труднее получить информацию из-за новых правил обращений в госорганы
27.12.2023
TikTok БАЖа, «ЧестнОК-Live» і іншыя: зноў папаўненне ў Рэспубліканскім спісе экстрэмісцкіх матэрыялаў
15.04.2024
