Якія дзяржорганы (не)размаўляюць па-беларуску?

Згодна з Палажэннем Савета міністраў “Аб парадку функцыянавання інтэрнэт-сайтаў дзяржаўных органаў і арганізацый”, адным з патрабаванняў з’яўляецца прадастаўленне інфармацыі на дзяржаўных мовах Рэспублiкi Беларусь, а пры неабходнасці таксама на адной альбо некалькіх замежных мовах.

Палажэнне было зацверджана ў 2010 годзе, але амаль палова беларускіх міністэрстваў да гэтага часу наогул не маюць версіі старонкі па-беларуску:

1. Міністэрства архітэктуры і будаўніцтва;

2. Міністэрства аховы здароўя;

3. Міністэрства інфармацыі;

4. Міністэрства па падатках і зборах;

5. Міністэрства па надзвычайных сітуацыях;

6. Міністэрства прыродных рэсурсаў і аховы навакольнага асяроддзя;

7. Міністэрства сельскай гаспадаркі і харчавання;

8. Міністэрства транспарту і камунікацый;

9. Міністэрства працы і сацыяльнай абароны;

Сюды ж дадаем Дзяржаўны ваенна-прамысловы камітэт, Дзяржаўны камітэт па маёмасці, Дзяржаўны камітэт па навуцы і тэхналогіях, Дзяржаўны камітэт па стандартызацыі і сайты паловы выканкамаў беларускіх рэгіёнаў на чале з Мінгарвыканкамам.

А вось і станоўчыя прыклады. Мы выбралі найбольш сімпатычныя, на наш погляд, беларускамоўныя старонкі дзяржаўных органаў.

З Днём роднай мовы! 🙂