Як мовай цела выклікаць давер

Мова цела заўсёды паказвае ваша стаўленне да той ці іншай жыццёвай сітуацыі. Такім чынам, абавязкова звярніце ўвагу на некаторыя жэсты, а потым змяніце іх ці падкарэктуйце, каб зрабіць пазітыўнае ўражанне на суразмоўцу.

Не спяшайцеся, не мітусіцеся

Падчас сустрэчы старайцеся не мітусіцца. Пастарайцеся супакоіцца да яе пачатку. У гэтым вам дапаможа цыклічнае дыханне. Хуткасць руху павінна быць умеранай, без мітусні, але і не занадта расслабленай. Старайцеся падчас размовы не мітусіцца, калі трэба дастаць нейкую рэч з партфеля ці кішэні. Лішнія нахілы, варушэнні, паціранні ілба ці далоняў ствараюць вобраз чалавека, якому не хочацца давяраць.

Правільна паціскайце руку

Поціск рукі таксама важны. Калі чалавек пры поціску выкарыстоўвае дзве свае рукі, то такім чынам ён дэманструе шчырасць, спагадлівасць і глыбіню сваіх пачуццяў. Левая рука пры гэтым выкарыстоўваецца для перадачы дадатковых пачуццяў адносна субяседніка. Цёплыя пачуцці дэманструе падтрымка ініцыятарам поціску рукі субяседніка за локаць.

Не рэкамендуецца пры поціску паварочваць руку субяседніка так, каб ваша рука апынулася зверху. Гэта сведчыць аб вашым імкненні да дамінавання. Калі ж вы працягнеце руку далонню ўверх, то такім чынам прадэманструеце сваю гатоўнасць прыняць ролю падначаленага. Што таксама не добра.

Глядзіце на чалавека, а не ў даль

Падтрымка зрокавага кантакту падчас гутаркі дапаможа выклікаць давер. Таму ні ў якім разе не рэкамендуецца падчас размовы глядзець па баках, разглядаць свае часткі цела ці глядзець у тэлефон. Імкніцеся «слухаць» вачыма. Гэта як бы гаворыць аб тым, наколькі вам важны субяседнік. І не глядзіце з‑пад ілба. Ваш суразмоўца падумае, што вы яго ў нечым падазраяце. Да таго ж, псіхолагі адзначаюць, што калі падчас размовы зрокавы кантакт з боку суразмоўцы займае менш за траціну часу, то вам хлусяць.

Трымайце адкрытую позу

Псіхолагі не рэкамендуюць падчас размовы перакрыжоўваць рукі ці ногі. Такая поза сведчыць аб закрытасці чалавека. Скрыжаваныя ногі ці рукі могуць за нас сказаць, што мы абараняемся ад суразмоўцы ці праяўляем упартасць. Падобная поза заблакуе любую спробу ўсталяваць кантакт, не кажучы ўжо пра давер. Ваша цела павінна выглядаць максімальна расслабленым і адкрытым — так вы будзеце лепш чуць думкі іншых.

Не хавайцеся за сталом

Падчас размовы старайцеся заняць месца так, каб перад вамі не было ніякіх перашкод кшталту стала, бо гэта можа сказаць пра тое, што вы імкняцеся стварыць дадатковыя бар’еры. Пра адсутнасць перашкод паміж вамі і суразмоўцам добра будзе сведчыць размяшчэнне на адкрытай прасторы.

Знаходзьцеся на адным узроўні

Калі падчас размовы вы зоймеце вышэйшы стул, сядзеце на стол ці ўстанеце, калі ваш партнёр працягне сядзець, то такім чынам вы скажаце, што хочаце заняць дамінуючае становішча. Гэта толькі нашкодзіць даверлівым адносінам. Калі ж у вас размова адразу з некалькімі людзьмі, то старайцеся заняць месца сярод іх, быць з імі на адным узроўні. Гэта прынясе значна лепшыя вынікі.

Выкарыстоўвайце дарэчныя дотыкі

Вядома, што лёгкі дотык да рукі субяседніка падчас размовы можа сказаць пра нашу маўклівую падтрымку. Дотык пляча або локця кажа пра ваша разуменне і суперажыванне значна больш за банальную фразу «Мне так шкада». Аднак будзьце вельмі акуратныя ў плане дакрананняў на працы, бо гэта можа быць няправільна растлумачана. Да таго ж, трэба ўлічваць, што такое збліжэнне прыводзіць да ўварвання ў «інтымную зону» субяседніка. А гэта можа выклікаць дадатковы дыскамфорт.

Старайцеся ківаць і ўсміхацца

Ваш субяседнік будзе больш упэўненым, калі будзе бачыць, што яго словы вам зразумелыя. Добрым невербальным спосабам яму гэта прадэманстраваць стане ваша ўсмешка і ківанне галавой. Галоўнае пры гэтым не перастарацца. Не заўсёды ўсмешка адпавядае атрыманай інфармацыі. А залішняе ківанне галавой можа быць расцэненае як дрэнная гульня.

Не вядзіце шмат запісаў

Празмернае канспектаванне падчас размовы прыводзіць да страты зрокавага кантакту. Да таго ж, наяўнасць нататніка і вядзенне запісаў прымушае вашага суразмоўцу адчуваць сябе менш камфортна.

Расшпіліце гузікі на пінжаку

Чалавек, які давярае свайму субяседніку, не будзе зашпілены на ўсе гузікі. Паміж людзьмі з расшпіленымі пінжакамі намнога лягчэй дасягаецца згода. Таму расшпіліцеся, або здыміце пінжак перад размовай. Зразумела, калі гэта дазваляе сітуацыя.

Сачыце за сваімі жэстамі

Падчас размовы старайцеся не рабіць лішніх рухаў рукамі. Чалавек, які гаворыць даверліва, не будзе прыкрываць рот, пачэсваць нос ці галаву. Як абаронная пазіцыя можа быць успрынятае пагладжванне шыі далонню ці папраўленне прычоскі.

Памятайце, што хаванне рук у кішэні ці іх скрыжаванне можа сказаць субяседніку, што вы не шчырыя. Адкрытасць да субяседніка добра дэманструюць адкрытыя далонямі ўверх рукі. Чалавеку, які падманвае, вельмі цяжка трымаць рукі адкрытымі далонямі ўверх. Не верыце? Паспрабуйце!

Чытайце яшчэ:

У якіх выпадках вам сапраўды трэба дзяліцца з мабільнымі дадаткамі інфармацыяй пра ваша месцазнаходжанне?

Как использовать метод «триангуляции» для поиска новых историй в журналистике

«Я застаюся, каб тым, хто зараз за кратамі, і тым, хто быў вымушаны з’ехаць, было куды вяртацца»: погляд журналістаў знутры краіны