Вытворцы вады «Слаўная» выбачыліся за сэксісцкую рэкламу
19 верасня 2017
Нагадаем, яшчэ летам у афіцыйным інстаграме пітной вады «Слаўная» пачалі з’яўляцца недвухсэнсоўныя рэкламныя пасты. На мінулым тыдні, калі іх пазнаходзілі журналісты і блогеры і разнеслі па сваіх рэсурсах, гэта выклікала шырокае абмеркаванне ў сацсетках.
Кіраўніцтва «Слаўнай» доўга не каментавала сітуацыю, але сёння, нарэшце, на сваёй бізнэс-старонцы ў фэйсбуку выбачылася перад кліентамі:
«Мы ўсведамляем, што сваім недарэчным жартам абразілі жанчын у той час, калі сітуацыя з гендарнай роўнасцю ў Беларусі і так пакідае жадаць лепшага. Хатні гвалт і дыскрымінацыя на працы па-ранейшаму застаюцца чымсьці, пра што мужчыны жартуюць падчас перакуру. У нас працуе больш за сто супрацоўнікаў, больш за палову з іх — жанчыны, якія кожны дзень на працы даказваюць сваю кампетэнтнасць. Мы шчыра просім прабачэння ва ўсіх, хто стаў сведкам гэтага атракцыёну smm-глупства! І спадзяемся, што нам удасца рэабілітаваць сябе ў вачах спажыўца».
Кіраўніцтва кампаніі прызнала, што падрадчык, якога яны выбралі для вядзення сацсетак, аказаўся «няспелым», і пашкадавала, што паразуменне агульнай некампетэнтнасці далося ім такой цаной.
@bajmedia
Прэмію «Рэпарцёраў без межаў» атрымаў асуджаны на пяць гадоў зняволення егіпецкі блогер
29.11.2023
Чыноўнік у Пінску заклікаў чытаць толькі дзяржаўную прэсу і не шукаць альтэрнатывы
07.02.2024
Агнешку Рамашэўскую-Гузы звольнілі з пасады дырэктаркі «Белсата»
12.03.2024
Из базы КГБ: на журналиста Hrodna.life Руслана Кулевича писали донос
29.04.2024
