Вярхоўны суд таксама адпісаўся наконт пераследу журналістаў-фрылансераў

На думку прадстаўніка Вярхоўнага суда, журналісты, пакараныя штрафамі за незаконны выраб і распаўсюд прадукцыі СМІ, могуць самі абскардзіць рашэнні.

“Узнятыя ж у вашым звароце пытанні адносяцца да сферы прымянення заканадаўства, што вызначае парадак адміністрацыйнага працэсу, і не могуць быць вырашаныя ў адпаведнасці с Законам Рэспублікі Беларусь “Аб зваротах грамадзянаў””, – адзначае Руслан Аніскевіч.

Днямі падобныя адказы на зварот ГА “БАЖ” даслалі МУС і Генеральная пракуратура, якія таксама не пажадалі абмяркоўваць масавы пераслед журналістаў-фрылансераў.

Нагадаем, што 9 ліпеня ГА “Беларуская асацыяцыя журналістаў” накіравала зварот ў Вярхоўны суд, МУС, Генеральную пракуратуру і КДБ Беларусі.

У сваім звароце Праўленне арганізацыі звяртала ўвагу на хвалю неабгрунтаванага пераследу беларускіх журналістаў паводле арт.22.9 КаАП (незаконны выраб і распаўсюд прадукцыі СМІ).

Журналісцкая арганізацыя дамагалася публічнага абмеркавання праблемы прыцягнення да адказнасці фрылансераў – з удзелам прадстаўнікоў дзяржаўных органаў, ГА “БАЖ”, а таксама ўсіх зацікаўленых асобаў.

На гэтую ж тэму:

ГА «БАЖ» звярнулася ў Вярхоўны суд, Генпракуратуру, МУС і КДБ