Вугорская тэлежурналістка збівала нагамі сірыйскіх уцекачоў
9 верасня 2015
Некалькі дзясяткаў уцекачоў прарвалі кардон паліцыі вакол аднаго з лагераў у Вугоршчыне. На месцы былі некалькі тэлежарналістаў. На відэа бачна, як жанчына з камерай у руках «дапамагае» паліцыянтам: б’е нагамі ўцекачоў ды ставіць падножкі. Пасля інцыдэнту тэлежурналістку звольнілі.
Тэлеаператарка Пэтра Лазло (Petra Lazlo) здымала сюжэт для мясцовага тэлеканалу L1. На наступны дзень кіраўніцтва тэлеканалу абвесціла, што тэлежурналістку звольнілі за недапушчальныя дзеянні.
Тысячы ўцекачоў спрабуюць праз Вугоршчыну трапіць у Нямеччыну ды Аўстрыю. Вугорскі ўрад заняў жорсткую пазіцыю ў дачыненні перасяленцаў, прэм’ер-міністр Віктор Орбан перакананы, што большасць уцекачоў з’яўляюцца «эканамічнымі мігрантамі», што шукаюць больш камфортных умоваў для жыцця ў той час як на радзіме ім нічога не пагражае.
Вугорскае дзяржаўнае тэлебачанне атрымала рэканмендацыі па асвятленню праблемы, у прыватнасці, журналістам і рэдактарам загадалі пазбягаць у відэарэпартажах пра ўцекачоў «празмернага паказу дзяцей уцекачоў», каб «не маніпуляваць настроямі».
@bajmedia
Недзяржаўная арганізацыя «Мемарыял» пацвердзіла абмен праваабаронцы Алега Арлова
02.08.2024
Іранскаму блогеру прысудзілі 12 гадоў турмы за твіт з кропкай
03.09.2024
Вызвалілі дзвюх іранскіх журналістак, якія раней былі асуджаныя на вялікія тэрміны
16.01.2024
Расійскія сілавікі ўзбудзілі крымінальныя справы супраць карэспандэнта CNN і дзвюх украінскіх журналістак
22.08.2024
