Вобшук у кватэры журналіста, які напісаў пра міліцэйскія пабоі за адсутнасць флікера

Пра гэта Дзяніс Дашкевіч паведаміў у сваім «Facebook’у». Паводле крыніцы Belsat.eu, міліцыянты выламалі дзверы ў кватэры рагачоўскага журналіста.

На тэлефонныя званкі Дзяніс Дашкевіч не адказвае.

Напрыканцы студзеня на сайце vrogacheve.ru былі апублікаваныя шакуючыя падрабязнасці збіцця праваахоўнікамі жыхара Рагачова.

Неўзабаве пасля здарэння Дзяніса Дашкевіча выклікалі ў міліцыю, каб высветліць ад каго ён даведаўся пра інцыдэнт з удзелам мясцовых міліцыянтаў, якія падчас затрымання зламалі жыхару Рагачова Віктару Арцюху рабро.

40-гадовы жыхар Рагачова Віктар Арцюх паскардзіўся на дзеянні міліцыі ў пракуратуру і Следчы камітэт.

7 лютага Рагачоўскі раённы суд аштрафаваў Віктара Арцюха на Br 24 за пераход вуліцы без флікера.

Фота facebook.com/denis.dashkevich