Ва ўкраінскія СМІ трапіў «расстрэльны» спіс з прозвішчамі журналістаў і блогераў

Пра спіс стала вядома нядаўна, пасля інсцэніроўкі забойства ў Кіеве расійскага журналіста Аркадзя Бабчанкі. СБУ аб’явіла пра праведзеную спецаперацыю і затрыманне выканаўчага дырэктара сумеснага ўкраінска-нямецкага прадпрыемства «Шмайсер» Барыса Германа, як арганізатара замаху.

Герман, у сваю чаргу, у судзе заявіў, што супрацоўнічаў з украінскай контразведкай і перадаў ёй «расстрэльны» спіс (атрыманы з Масквы ад Вячаслава Піваварніка), што аднак не было пацверджана. У далейшым украінскія спецслужбы знаёмілі з матэрыяламі скандальнай справы фігурантаў згаданага спісу. Цяпер жа, хоць і неафіцыйна, сталі вядомыя ўсе асобы, якія трапілі ў спіс (гэта ўкраінскія і былыя расійскія журналісты ды блогеры). У ім, дарэчы, няма Бабчанкі.

Як інфармуе УНІАН, для некаторых фігурантаў спісу яго публікацыя стала нечаканасцю. Рэакцыя аднак гэтых людзей самая розная. Некаторыя нават лічаць, што спіс фэйкавы.