Узламалі і захапілі Telegram-канал гродзенскага сайта Newgrodno.by, дзе нядаўна быў ператрус

Як паведаміў рэдактар выдання Newgrodno.by Ігар Рэмзік (Бублікаў) службе маніторынгу ГА “БАЖ”, кантроль над Telegram-каналам цалкам страчаны.

Яго аўдыторыя апошнім часам складала больш за 13 тысяч падпісчыкаў. Захоплены таксама і асабісты Telegram-канал рэдактара.

Нягледзячы на правакацыі і значныя перашкоды для ажыццяўлення прафесійнай журналісцкай дзейнасці, Newgrodno.by працягвае працаваць у штатным рэжыме, ужо створаны новы Telegram-канал з адрасам: t.me/newgrodno.

Нагадаем, 29 студзеня 2021 г. супрацоўнікі Ленінскага РАУС Гродна пры падтрымцы байцоў АМАП прыйшлі ў рэдакцыйнае памяшканне Newgrodno.by, каб “правесці агляд”. Ператрус доўжыўся прыблізна паўгадзіны, у выніку з працоўнага месца быў выняты сістэмны блок камп’ютара.

Фармальнай прычынай ператрусу стала публікацыя на партале Newgrodno.by ад 17 жніўня 2020 г. У гэтым матэрыяле была агрэгаваная інфармацыя з сайта дзяржаўнага інфармацыйнага агенцтва БелТА і размешчанае відэа з папулярнага Telegram-канала, які ўвосень 2020 г. быў прызнаны ў Беларусі экстрэмісцкім.

У дачыненні Ігара Рэмзіка быў складзены пратакол аб адміністрацыйным правапарушэнні паводле ч. 2 арт. 17.11 КаАП (распаўсюд інфармацыйнай прадукцыі, уключанай у рэспубліканскі спіс экстрэмісцкіх матэрыялаў, а таксама выраб, выданне, захоўванне альбо перавозка з мэтай распаўсюду такой інфармацыйнай прадукцыі).

Защищаем данные и снижаем риски: 42 совета по безопасности смартфонов

Што рабіць, калі да вас прыйшлі з ператрусам?

Вызов в милицию. Объяснения. Допрос. Руководство по безопасности для журналистов (часть 3)

Вербовка, угрозы, шантаж. Руководство по безопасности для журналистов (часть 2)

Актуальное руководство по безопасности для журналистов. Основные правила (часть 1)