Улады Расіі хочуць ліквідаваць найстарэйшую праваабарончую арганізацыю «Мемарыял»

Пасяджэнне адкладзена на 29 лістапада, паколькі бок адказчыка не прадаставіў неабходныя дакументы. У Крамлі заявілі, што справа аб ліквідацыі «Мемарыяла» «не стаіць высока на парадку дня», паколькі ў прэзідэнта РФ Уладзіміра Пуціна ёсць больш актуальныя пытанні, піша dw.com.

Таварыства «Мемарыял» было заснавана ў 1989 годзе лаўрэатам Нобелеўскай прэміі міру Андрэем Сахаравым і іншымі праваабаронцамі. З таго часу «Мемарыял» займаецца аналізам палітычных рэпрэсій у СССР і абаронай правоў чалавека ў сучаснасці.

11 лістапада Генпракуратура РФ звярнулася ў Вярхоўны суд з патрабаваннем ліквідаваць «Міжнародны Мемарыял» за «сістэматычныя парушэнні» закона аб «замежных агентах», а менавіта — за адмову ад маркіроўкі «замежны агент». Адначасова пракуратура Масквы звярнулася ў Масгарсуд з іскам аб ліквідацыі праваабарончага цэнтра «Мемарыял». У матэрыялах цэнтра «прысутнічаюць лінгвістычныя і псіхалагічныя прыкметы апраўдання дзейнасці” тэрарыстычных і экстрэмісцкіх арганізацый, гаворыцца ў матывіровачнай частцы пазова. Размова ідзе пра спіс палітвязняў, які вядуць праваабаронцы.  Акрамя таго, цэнтр ігнаруе патрабаванні аб маркіроўцы «замежны агент», заявілі ў наглядным ведамстве

Атака расійскіх уладаў на «Мемарыял» выклікала рэзкую рэакцыю праваабаронцаў, палітыкаў, журналістаў і гісторыкаў у Расіі і іншых краінах.

У Беларусі «Мемарыял» раней прадстаўляг гісторык Уладзімір Раманоўскі.