Уладальніку сайтаў Kyky.org і The Village Аляксандру Васілевічу, што прыйшоў да КДБ з хадайніцтвам за Бабарыку, далі 14 сутак
30 ліпеня 2020
Сёння ў судзе Фрунзенскага раёна па Skype судзілі Аляксандра Васілевіча, уладальніка Vondel і Hepta, якога 28 ліпеня, у аўторак, каля 18:00 затрымалі ўнутры будынка КДБ, калі ён прыйшоў падаваць хадайніцтва за Віктара Бабарыку разам з галоўным рэдактарам The Village Беларусь Яўгеніяй Сугак. Суд прызнаў Аляксандра вінаватым па ч. 1 арт 23.34 — парушэнне парадку арганізацыі або правядзення масавых мерапрыемстваў і прысудзіў яму 14 сутак адміністрацыйнага арышту, піша The Village.
У абвінавачванні гаворыцца, што Аляксандр Васілевіч удзельнічаў у масавым несанкцыянаваным мерапрыемстве каля будынка КДБ з 17:10 да 17:30 і крычаў: «Свабоду Бабарыку!»
Яўгенія Сугак выступала на судзе ў якасці сведкі. Яна распавяла, што яны з Аляксандрам у масавых мерапрыемствах не ўдзельнічалі, а прыйшлі ў той вечар каля 17:50 да будынка КДБ з канкрэтнай мэтай — падаць хадайніцтва.
Па дарозе да будынка яны размаўлялі аб справах, і Аляксандр нічога не крычаў.
На ўваходзе ў КДБ яны распавялі пра мэту свайго прыходу, былі запрошаныя ўвайсці, пасля чаго іх правялі ў пакой, а адтуль — у аўтазак і адвезлі ў РУУС.
@bajmedia
Кінакрытыкі абвясцілі кароткі спіс намінантаў беларускай прэміі «Чырвоны верас»
15.01.2024
Экстрэмісцкімі прызналі кнігі Паўла Севярынца, TikTok «Хартыя’97» і другі раз — старонку «Media IQ» у Facebook
25.06.2024
ChatGPT научился воровать данные пользователей: как это работает
30.09.2024
7 чэрвеня Вярхоўны суд будзе разглядаць апеляцыйную скаргу Ігара Карнея
04.06.2024
