Удзельнікі праекта “Медыядыялог дзеля дэмакратыі і міру” наведалі Грузію і Арменію
9 верасня 2019
З 29 жніўня па 7 верасня Тбілісі і Ереван прымалі ўдзельнікаў міжнароднай канферэнцыі “Медыядыялог дзеля дэмакратыі і міру” пры падтрымцы Міністэрства замежных спраў Нямеччыны. Асноўная мэта праекта — пазнаёміць маладых журналістаў з розных краін (Арменія, Беларусь, Германія, Грузія, Украіна), паказаць ім культуру гэтых краін.
Першы этап сустрэчы праходзіў у Тбілісі на базе Caucasus University. Там маладыя журналісты вучыліся мантаваць відэа, здымаць блогі, дыскутавалі на важныя для рэгіёна Каўказу тэмы. А сонечная Грузія ды шыкоўны горад Тбілісі зачаравалі ўсіх удзельнікаў праекта.
Наступным прыпынкам была сталіца Арменіі — Ереван. Тут для ўдзельнікаў было падрыхтавана шмат цікавых сустрэч з мясцовымі журналістамі, студэнтамі і дэканам Ерэванскага дзяржаўнага ўніверсітэта, прадстаўнікамі нацыянальных меншасцяў Арменіі. Былі і вандроўкі па старажытных мясцінах Арменіі.
P.S. Беларусь удзельнічае ў гэтым праекце з 2016 года, нашу краіну прадстаўляе ГА «БАЖ». Было б файна, каб у будучым адзін з этапаў гэтага праекта прыняла Беларусь.
P.P.S. Інфармацыю пра адукацыйныя магчымасці, магчымасці азнаямляльных паездак для журналістаў шукайце ў рубрыцы «Конкурсы і навучанне».
@bajmedia
Аператыўна-аналітычны цэнтр пазбавіў даменнага імя незалежны партал Media-Polesye.by
15.04.2024
Журналісту Дзянісу Івашыну забаранілі дасылаць у турму асадкі і стрыжні для пісання
21.12.2023
БАЖ зноў вылучыў Нацыянальны саюз журналістаў Украіны на прэмію ЮНЭСКА/Гільерма Кано
14.02.2024
Короткометражный фильм про задержание журналисток Даши Чульцовой и Екатерины Андреевой появился в свободном доступе
16.08.2024
