У рэдакцыі папулярнага телеграм-канала Mash прайшлі ператрусы
10 мая 2019
Суразмоўца агенцтва ТАСС распавёў, што прадусар папулярнага расейскага телеграм-каналу Mash хацеў атрымаць у Маскоўскага цэнтра аўтаматызаванага кіраваньня паветраным рухам інфармацыю пра катастрофу SSJ-100 у «Шарамецьцева».
Сёньня раніцай ў рэдакцыі телеграм-канала Mash прайшлі ператрусы. Супрацоўнікі праваахоўных органаў канфіскавалі некалькі кампутараў, агледзелі дакумэнты і адвезьлі супрацоўнікаў на допыт.
Сьледзтва ўзбудзіла ў дачыненьні да прадусара Telegram-канала Mash Міхаіла Кумброва крымінальную справу аб выкарыстаньні падробленага дакумэнта, паведамілі ТАСС у пятніцу ў праваахоўных органах Масквы.
Раней затрыманьне свайго супрацоўніка, які працаваў над сюжэтам пра катастрофу самалёта SSJ-100 у аэрапорце «Шарамецьцева», пацьвердзіў Mash. У телеграм-канале, аднак, заявілі, што ён ня меў пры сабе падробленых дакумэнтаў.
Выданьне РБК пісала, што гаворка ідзе пра падроблены блянк запыту Генпракуратуры.
Самалёт «Аэрафлота» SSJ-100, які выляцеў 5 траўня з «Шарамецьцева» ў Мурманск, прыкладна праз 30 хвілін вярнуўся ў аэрапорт, дзе зьдзейсьніў аварыйную пасадку і загарэўся. На борце знаходзіліся 73 пасажыры і пяць чальцоў экіпажа. Загінуў 41 чалавек.
@bajmedia
Ва Украіне згортваецца свабода прэсы — NYT, The Guardian
20.06.2024
На дзвюх іранскіх журналістак, якіх раней вызвалілі, завялі новую крымінальную справу
19.01.2024
Украіна агучыла, колькі прадстаўнікоў украінскіх медыяў знаходзіцца ў расійскім палоне
31.05.2024
В Грузию не пустили чешского журналиста. Он летел туда освещать предстоящие выборы
24.10.2024
