У Мінску стартаваў “Месяц фатаграфіі”
25 верасня 2015
24 верасня з адкрыцця ў галерэі “Ў” супольнай фотавыставы «Рэальны свет» літоўскага і брытанскага фатографаў Рымальдаса Вікшрайціса і Марціна Пара стартаваў фестываль “Месяц фатаграфіі ў Мінску”.
Афіцыйнае адкрыццё фэсту адбудзецца 2 кастрычніка ў ангары арт-прасторы «ЦЭХ» (вул.Першамайская, 16).
Мяркуючы па праграме, “калейдаскоп культурных і адукацыйных мерапрыемстваў” перасягне межы аднаго месяца. “Сёлета гледачам будуць прадстаўлены 23 экспазіцыі, і арганізаваныя яны будуць не толькі ў беларускай сталіцы”, – абяцае сайт фэсту.
Упершыню фестываль ладзіўся летась і натхніў арганізатараў сваім поспехам. У параўнанні з мінулым годам амаль удвая павялічылася колькасць яго партнёраў: да традыцыйных – Інстытута польскага, Інстытута Гётэ, Музея сучаснага выяўленчага мастацтва, Нацыянальнага цэнтра сучасных мастацтваў, галерэі «Ў» і арт-прасторы «ЦЭХ» – дадаліся пасольствы Ізраіля і Францыі, літаратурны музей Петруся Броўкі, Нацыянальны гістарычны музей Рэспублікі Беларусь, галерэя «Кніжная Шафа», культурны цэнтр Studio 67 і Гродзенская выставачная зала.
Менеджарам праекту выступае Андрэй Лянкевіч. Поўны склад каманды – ТУТ.
@bajmedia
Кошт падпіскі на шматтыражныя прапагандысцкія выданні вырас за год на 14—18%
28.12.2023
Соцсеть X сделает лайки анонимными для защиты авторов твитов от нападок
12.06.2024
Аўтамабільны партал ABW абвясціў аб аднаўленні працы, але з іншымі заснавальнікамі
17.01.2024
«TUT.BY — это моя история». Белоруска нашла байку белорусского медиа в контейнере для одежды в Гданьске
26.02.2024
