У Літве перадалі ў суд справу юрыста Мантаса Данелюса
18 верасня 2023
Пракуратура Віленскага краявога суда перадала справу юрыста Мантаса Данелюса, які абвінавачваецца ў шпіянажы на карысць лукашэнкаўскага рэжыму і ўздзеянні на сведак, у Віленскі краёвы суд, са спасылкай на LRT піша «Наша Ніва».
Дасудовае расследаванне па факце шпіянажу на карысць рэжыму Лукашэнкі было распачата год таму «пасля атрымання абгрунтаваных даных» аб тым, што Данелюс «з пачатку 2022 года збіраў і перадаваў грамадзянцы Беларусі цікавую для беларускай разведкі інфармацыю». Гэтай грамадзянкай Беларусі была вядомая тэлепрапагандыстка Ксенія Лебедзева.
Мантасу Данелюсу пагражае ад 6 да 15 гадоў пазбаўлення волі. Сцвярджаецца, што абвінавачаны «пад выглядам валанцёрскай дзейнасці меў зносіны з дзейнымі ў Літве арганізацыямі, якія аб’ядноўваюць дэмакратычную апазіцыю рэжыму Рэспублікі Беларусь», а таксама з «асобамі, якія пераехалі ў Літву пасля выбараў прэзідэнта […] 2020 года, каб пазбегнуць затрымання, пазбаўлення волі ці іншага пераследу».
Паводле звестак пракуратуры, Данелюс «наведваў памяшканні беларускіх апазіцыйных арганізацый, удзельнічаў у іх мерапрыемствах, збіраў і перадаваў інфармацыю аб іх дзейнасці, праектах, крыніцах фінансавання».
За тэкст пра справу Мантаса Данелюса журналіст «Нашай Нівы» сёлета атрымаў прэмію Беларускай асацыяцыі журналістаў «Вольнае слова».
Чытайце яшчэ:
Іосіф Сярэдзіч аб змене палітыкі сайта «НВ»: «Незразумелыя дзеянні тых, каму я бясплатна памылкова перадаў сайт»
Главред Reform.by: журналистика — это иммунитет нации
Асцярожна: прапаганда! Ці трэба і як асвятляць прадзяржаўны кантэнт
@bajmedia
Як беларуская прапаганда прадстаўляецца «Белсатам» і што рабіць чытачам, гледачам і экспертам
20.02.2024
БАЖ звярнуўся да спецыяльнай працэдуры ААН па справе праваабаронцы Леаніда Судаленкі
28.06.2024
Хто з медыяў трапіў у спіс «экстрэмісцкіх фармаванняў» у 2023 годзе
10.01.2024
Анджэя Пачобута змясцілі ў штрафны ізалятар, за 8 месяцаў яму не дазволілі ніводнага спаткання і ніводнай перадачы
08.02.2024
