У Гродне пайшоў з жыцця журналіст і краязнаўца Віктар Саяпін

Віктар Юр’евіч Саяпін друкаваўся як журналіст на старонках “Вячэрняга Гродна” і “Гродзенскай праўды”, выступаў як эксперт на старонках hrodna.life і “Твайго Стыля”, дзяліўся ведамі па гісторыі горада і даваў інтэрв’ю “Беларускаму Радыё Рацыя” ды іншым незалежным СМІ.

17 верасня 2016 года, на 888 годзе горада, iмя Віктара Саяпіна ўнеслі ў Кнігу славы Гродна.

Пра Віктара Саяпіна узгадвае сябра Беларускай асацыі журналістаў Руслан Кулевіч:

— Віктар Юр’евіч быў для горада знакавай фігурай. Дзякуючы яму, мы даведаліся чым займаліся жыхары гораду ў 30‑я гады ХХ стагоддзя, і чым жыў горад цягам мінулага стагоддзя. Ён быў для мяне прыкладам журналістыкі, тым чалавекам, з ягога трэба браць прыклад. Незадоўда да яго смерці я пазваніў і троху з ім паразмаўляў. Хацеў да яго зайсці, але ён мяне не прыняў. Я спытаў: «Што я магу для вас зрабіць?». Я падзяліўся з ім навінамі пра тое, што адбываецца ў горадзе, якія дамы рэканструююць. Таксама пра тое, што з’явяцца шыльды са старымі назвамі вуліц гораду. І пра тое, што гэта —  агульная перамога, перамога і Віктара Юр’евіча. Ён зрабіў у гэта вялікі ўнёсак.

Віктара Саяпіна будуць адпяваць 4 лютага а 12‑й гадзіне ў Гродна ў Свята Пакроўскім саборы. Жыхары горада збіраюць подпісы, каб вядомага краязнаўцу пахавалі на могілках па праспекте Касманаўтаў, дзе знаходзіцца так званая “Алея герояў”.

Гэтыя фотаздымкі былі зробленыя падчас прэзентацый кніг Віктара Саяпіна, сустрэчаў з жыхарамі горада.

Фота Аляксандра Саенкі