У Гродне 1 верасня адбыўся сход мясцовай суполкі сябраў БАЖ
2 верасня 2020
Падчас сходу гродзенскія бажаўцы прынялі ў свае шэрагі шэсць новых сябраў. Суполку папоўнілі пяць прадстаўнікоў рэгіянальнага беларускамоўнага інтэрнэт-выдання Hrodna.life. Гэта рэдактар Аляксей Шота, супрацоўнікі і журналісты: Надзея Вішнеўская, Вольга Новік, Таццяна Сідлярэвіч, Марыя Кучмэйна.
Яшчэ да БАЖу далучылася журналістка мясцовага блогу s13.ru Надзея Болатава. Цягам апошніх тыдняў яна працавала на акцыях пратэсту і стала вядомая гродзенцам як журналістка, якая распавядала пра катаванні ў гродзенскім ІЧУ і турме.
Акрамя гэтага бажаўцы абмеркавалі сітуацыю ў арганізацыі, умовы працы журналістаў на сёння. Узгадалі затрыманых калег: Аляксея Кайрыса, Аляксандра Саенку, Ігара Бублікава і збітых сілавікамі Руслана Кулевіча і Алеся Дзянісава, якія не змаглі прыйсці на сход.
Таксама журналісты атрымалі кансультацыі псіхолага і даведаліся пра юрыдычную дапамогу падчас судоў і затрыманняў.
@bajmedia
В Беларуси решили бороться с VPN, чтобы ограничить доступ к независимым источникам информации
24.01.2024
Дапамажыце Ірыне Шчаснай у адаптацыі і рэабілітацыі пасля 4 гадоў калоніі
01.10.2024
BYSOL прапануе беларусам за мяжой падтрымаць адзін з напрамкаў яго дзейнасці
22.03.2024
Европарламент проголосовал за защиту свободы СМИ и против слежки за журналистами
14.03.2024
