У Глыбокім вайскоўцы і ідэолаг забаранялі здымаць рэпетыцыю прысягі рэзервістаў
8 верасня 2017
У Глыбокім у Віцебскай вобласці 8 верасня ў цэнтры горада адбывалася рэпетыцыя прыняцця прыясягі ваеннаслужачымі запасу, прызванымі на вучэбныя зборы тэрытарыяльных войск раёна. Чыноўніца і вайсковец спрабавалі забараніць здымаць гэтае мерапрыемства.
Журналіст-фрылансер Дзмітрый Лупач стаў сведкам рэпетыцыі прысягі і пачаў фатаграфаваць. Спачатку да яго падыйшла Людміла Карніловіч, якая часова выконвае абавязкі начальніка аддзела ідэалогіі Глыбоцкага райвыканкама, і сказала, каб ён не фатаграфаў, бо не мае акрэдытацыі.
Дзмітрый Лупач патлумачыў чыноўніцы, што мае права здымаць без акрэдытацыі, бо ўсё адбываецца на вуліцы ў грамадскім месцы, а не ў закрытым памяшканні. Тады Карніловіч пачала пагражаць, што, калі журналіст не паслухае, то ў яго могуць узнікнуць праблемы з ваенкаматам.
Затым падыйшоў вайсковец і, не прадставіўшыся, таксама пачаў даводзіць, што здымаць рэпетыцыю без дазволу нельга.
«Абсурд ўлады мацнее! Заўтра яны пачнуць прасіць акрэдытацыю на здымкі, напрыклад, ранішніка ў дзіцячым садку! А калі сур’ёзна, то для здымкаў у грамадскім месцы дазволу ні ў каго пытаць не трэба. На парадах у Мінску не забараняюць фатаграфаваць ні ваенную тэхніку, ні галоўнакамандуючага!» — гаворыць праваабаронца Павел Левінаў.
Фота прысягі ваеннаслужачых запасу 3 верасня 2017 года, «Веснік Глыбоччыны»
@bajmedia
Сына пісьменніка і журналіста Сяргея Антонава затрымалі за абразу Лукашэнкі
18.01.2024
«Экстрэмісцкімі» прызналі суполку праграмы «Белсата» у сацсетцы, мультфільмы «Заповедник» і Telegram-канал «Инсайдер UA»
16.05.2024
Отдельный выпуск «Студыі Белсат» внесли в список экстремистских материалов
04.12.2023
«Згубіць «Белсат» было б скрышальна»: Беларуская незалежная кінаакадэмія скіравала ліст у падтрымку тэлеканала Дональду Туску, Радославу Сікорскаму, уладам TVP
01.08.2024
