У Германавічах адбыўся “Бульбафэст”
15 жніўня 2017
Трэці па ліку “Бульбафэст” прайшоў у Германавічах, што ў Шаркоўшчынскім раёне. Два гады запар глыбоцкая суполка ГА “БАЖ” падтрымлівала ініцыятыву Ады Райчонак у правядзеннні імпрэзы. У гэтым годзе журналісты зноў наведалі мерапрыемства.
Сёлета на “Бульбяны фэст” з’ехаліся грамадскія актывісты і госці з Шаркоўшчынскага, Глыбоцкага, Браслаўскага раёнаў і з Мінска. Уваходным квітком была страва, прыгатаваная з бульбы.
На фэст збіраюцца ў асноўным людзі неабыякавыя да роднай мовы, беларускай культуры і традыцый. Таму падчас імпрэзы гучалі беларускія вершы і песні, прысутныя танчылі старадаўнія беларускія танцы.
На свяце выступілі бард з Браслаўшчыны Леанід Лаўрыновіч, удзельнікі фальклорнага гурта “Купалінка” з Шаркоўшчынскага раёна, мясцовыя самадзейныя артысты і паэты. Таксама наведвальнікі свята змаглі паўдзельнічаць і ў конкурсе, а прызамі былі кнігі вядомых беларускіх літаратараў, у тым ліку і нобелеўскай лаўрэаткі Святланы Алексіевіч.
Напрыканцы мерапрыемства кожны жадаючы змог пачаставацца дранікамі, якія смажылі для гасцей мясцовыя гаспадыні. “Бульбяны фэст” ужо стаў традыцыйным, таму ў наступным годзе Германавічы зноў збяруць гасцей, аматараў беларускай культуры і страў з бульбы.
@bajmedia
«Мы хотим не бояться за будущее “Белсата”, а развивать его!» Работники телеканала написали письмо в польский МИД
12.02.2024
БАЖ звярнуўся да спецыяльнай працэдуры ААН па справе праваабаронцы Леаніда Судаленкі
28.06.2024
Абноўлены «Белсат» можа спыніць вяшчанне праз спадарожнік
15.07.2024
Трэці дзень народзінаў сустракае за кратамі палітзняволены блогер Ігар Лосік
20.05.2024
