У Брэсце за выкарыстанне дрона без дазволу фатографа пакаралі штрафам

Фатографа, які займаецца фота- і відэаздымкамі з дапамогай квадракоптара, пакаралі за тое, што выкарыстоўваў свой дрон без папярэдняга ўзгаднення. Як высветлілася, з ініцыятывай завесці ў дачыненні да яго адміністрацыйную справу паводле ч. 2 арт. 18.35 КаАП (Парушэнне правілаў выкарыстання паветранай прасторы) выступіла пракуратура Брэсцкай вобласці.

Падставай стала тое, што Васіль Пашалюк змясціў на сваім YouTube-канале некалькі ролікаў з Брэста, зробленых ім паводле замовы для адной з дзяржаўных арганізацый. Але ў пракуратуры даведаліся, што здымкі з дрона нібыта вяліся без папярэдняга атрымання дазволу.

«Васька Пілот» — вядомая асоба ў інтэрнэт-прасторы не толькі сярод карыстальнікаў з Брэстчыны, але і далёка за яе межамі. Здымкі з дапамогай квадракоптара ён робіць з 2018 года, калі сябра прывёз яму аматарскі дрон з ЗША. Далей з’явілася прафесійная тэхніка, і з тых часоў гэтымі здымкамі актыўна карыстаюцца нават дзяржаўныя СМІ.

Сам Васіль Пашалюк неаднаразова атрымліваў падзяку ад кіраўнікоў мясцовай выканаўчай улады. Публікацыі пра яго захапленне і прафесіяналізм выходзілі і ў незалежных медыя, і ў выданнях кшталту «СБ. Беларусь сегодня».

Калі прыхільнікі творчасці «Ваські Пілота» даведаліся, што яго аштрафавалі, з’явіліся прапановы дапамагчы з аплатай выдаткаў. Аднак Васіль Пашалюк зрабіў гэта самастойна, адзначыўшы, што крыўдны не сам штраф, а што пакаранне адбылося за бясплатныя здымкі для дзяржаўнай арганізацыі.

Чытайце яшчэ:

Анджэй Пачобут застаецца без неабходных яму лекаў і знаходзіцца ў ізаляцыі

«Я адрозніваю, дзе прапаганда, а дзе праўда. Тады мне варта паступаць на журфак БДУ?» На складанае пытанне адказвае Глафіра Жук

«Вся страна сейчас живет так, как годами жили пострадавшие от домашнего насилия». Большой разговор с Ольгой Горбуновой