У Брэсце суды павялічылі «экстрэмісцкі» спіс за кошт СМІ, але зрабілі гэта з памылкамі

У прыватнасці, суд Ленінскага раёна Брэста палічыў «экстрэмісцкай» старонку інтэрнет-выдання «Першы Рэгіён» у сацыяльнай сетцы «Вконтакте». Аднак у спасылцы на гэтую старонку (на яе падпісана 2,5 тысячы чалавек) суддзя Марына Раеўская зрабіла памылку, таму фармальна сапраўдны акаунт «Першага Рэгіёна» у згаданай сацсетцы яшчэ не мае экстрэмісцкага статусу.

Таксама у судзе Ленінскага раёна Брэста разглядалася справа аб прызнанні «экстрэміцкімі матэрыяламі» старонкі ў Face­book інтэрнет-выдання «BG.Media» (ранейшая назва «Брестская газета»). Аднак і тут у судовым рашэнні ёсць памылка ў спасылцы. На сапраўдную старонку «BG.Media» зараз падпісаліся амаль 25 тысяч карыстальнікаў Face­book.

Як адзначаюць праваабаронцы, паводле падлікаў, з ліпеня 2020 года суды Брэсцкай вобласці прызнавалі забароненымі тыя ці іншыя пратэстныя чаты, каналы, сайты (і іншыя месцы ў інтэрнеце, а яшчэ кнігі) ужо 342 разы.

Чытайце яшчэ:

«Простите за такой обидный и непредсказуемый финал». Белорусских медиа остается все меньше. Посмотрели, какие из них закрылись в 2023 году

Павел Свярдлоў: Google фактычна стаў рупарам беларускай і расійскай прапаганды

Вызвалілі дзвюх іранскіх журналістак, якія раней былі асуджаныя на вялікія тэрміны