У Беларусі арыштавалі нерухомасць журналісткі Таццяны Каравянковай
18 кастрычніка 2024
Мінскае гарадское агенцтва па дзяржрэгістрацыі і зямельнаму кадастру 4 кастрычніка арыштавала нерухомую маёмасць журналісткі Таццяны Каравянковай.
Тацяна Каравянкова. Фота: РСЭ/РС
Як напісала Таццяна ў Facebook, арышт накладзены на падставе пастановы галоўнага следчага ўпраўлення цэнтральнага апарата Следчага камітэта ад 26 верасня 2024 года. Прычына такога пераследу ў дакуменце, які атрымала журналістка з кадастравага агенцтва, не паведамляецца.
Таццяна Каравянкова піша, што звярнулася ў Следчы камітэт за тлумачэннямі, але адказу на свой ліст пакуль не атрымала.
Арыштаваная маёмасць — гэта 1/3 частка дома, якую журналістка мае ў сумеснай уласнасці са сваякамі.
Таццяна Каравянкова — вядомая беларуская журналістка. Працяглы час працавала як палітычны і міжнародны аглядальнік у незалежным інфармагенцтве БелаПАН. Лаўрэат шэрагу журналісцкіх прэмій. У 2021 годзе вымушана з’ехала з Беларусі і на сёння жыве і працуе за мяжой.
@bajmedia
Літоўскі медыяэксперт: Стварыць грамадскае тэлебачанне ў краіне, дзе не было такіх традыцый, надзвычай складана
18.10.2024
Блогер Руслан Ліннік не выйшаў з калоніі пасля адбыцця чатырохгадовага тэрміну
18.10.2024
Беларусь пагоршыла свае паказчыкі ў глабальным рэйтынгу Freedom House «Свабода ў інтэрнэце» за 2024 год
16.10.2024
Газету «Автодайджест» прызналі «экстрэмісцкай інфармацыйнай прадукцыяй»
12.03.2024
