У Баранавічах вядучы «Падарожжа дылетанта» правёў ўрок беларускай мовы

Праект ладзіцца для вучняў 2–3‑х класаў з мэтай пазнаёміць іх з беларускай мовай і культурай.

Падчас урокаў Юрый Жыгамонт знаёміў вучняў з сучаснымі беларускімі пісьменнікамі і іх творамі і вёў займальныя гульні, загадваў дзецям загадкі і перекладаў разам словы з рускай мовы на беларускую, каб развіць у дзяцей практычныя навыкі роднай мовы.

Галоўная задача праекта «Чытаем па-беларуску з vel­com» – развіць у школьнікаў малодшых класаў цікавасць да беларускай мовы і культуры.

— Мяне запрасілі ўдзельнічаць у гэтым праекце восенню мінулага года. Мы праводзім заняткі сярод вучняў малодшых класаў, таму што дзеці толькі прыйшлі ў школу і вельмі важна данесці да іх, якая прыгожая беларуская мова. Гэта трэба зрабіць у пачатку іх жыцця, — расказаў Intex-press Юрый.

Таксама вядомы вядучы адзначыў, што ў школе дзеці не вывучаюць мову паглыблена, таму многіх слоў не ведаюць. На яго думку, дзеці да беларускай мовы ставяцца вельмі добра, ім цікава слухаць і размаўляць на ёй.

— Праект пачаўся ў Мінску ў 2015 годзе і працягнецца да таго часу, пакуль ўрокі не пройдуць ва ўсіх абласцях Беларусі, — распавяла каардынатар праекта Катажына Валкоўская.

Пазней падобныя заняткі правядуць у баранавіцкіх сярэдніх школах № 7, № 18 і ў гімназіі № 1.