Топ‑5 самых стыльных мужчын у беларускіх медыях: версія metroboy.pro

Беларускі мужчынскі інтэрнэт-часопіс metroboy.pro склаў спіс самых стыльных журналістаў. У яго трапілі аналітыкі і вядучыя, «галоўны інтэрв’юер краіны» і музычны крытык. БАЖ паглядзеў, што піша metroboy.pro пра стыль вядомых медыяперсон.

Арцём Шрайбман

Арцём Шрайбман. Фота: Белсат

Стыль папулярнага эксперта metroboy.pro характэрызуе як стрыманы. Па меркаванню рэдакцыі, гэта адпавядае зместу яго аналітыкі. “Вобраз Шрайбмана гарманічна спалучаецца з яго уменнем паслядоўна выказваць свае думкі”, — піша metroboy.pro. На палітолагу часта можна заўважыць світшоты беларускага брэнду LSTR і мінімалістычныя вадалазкі, а адметны штрых дадаюць клетчатыя рубашкі.

Сяргей Чалы

Сяргей Чалы. Фота: Face­book

Сяргея Чалага скадальнікі топу называюць негалосным канкурэнтам Шрайбмана. Стыль аналітыка metroboy.pro характэрызуе як строгі мінімалізм і адзначае, што такі вобраз добра ўпісваецца ў фармат шоу “Ноч з Чалым”. На вядучым можна заўважыць красоўкі, але і яго перадача — “не палата прадстаўнікоў”, адзначае часопіс.

Аляксандр Чарнуха

Аляксандр Чарнуха. Фота: Face­book

Вядомы музычны крытык прытрымліваецца стылю casu­al. У яго вобразе ёсць месца і чаравікам ад Dr.Martens, і кедам, і пінжакам. Часам журналіста можна ўбачыць у мерчы беларускіх груп.

Мікіта Мелказёраў

Мікіта Мелказёраў. Фота: onliner.by

У стылі «галоўнага інтэрв’юера краіны» вельмі шмат спорта, заўважае metroboy.pro. Адразу бачна, што журналісту блізкая гэтая тэма, і яна ўплывае не толькі на творчасць, але і на вобраз. “Красоўкі Nike, спартыўныя штаны і шорты, аверсайз худзі  ва ўсім гэтым журналіст выглядае гарманічна, стыльна і ў сваёй талерцы”.

Канстанцін Каверын

Канстанцін Каверын. Фота: Наша Ніва

Па меркаванні рэдакцыі metroboy.pro, Каверыну ўласціва выдатнае пачуццё стылю. Гэта бездакорны casu­al, камфортны для журналіста.