Time анансаваў чарговую незвычайную вокладку з Трампам ФОТА

На фота прэзідэнт Амерыкі глядзіць на маленькую дзяўчынку, што плача.

Арыгінальнае фота вось:

John Moore / Get­ty Images / AFP

Дзяўчынку сфатаграфаваў 12 чэрвеня на мексіканска-амерыканскай мяжы Джон Мур, у момант, калі яе маму, нелегальную імігрантку, затрымала і абшуквае паліцыя.

Жанчына расказала фатографу, што яе дачцэ два гады і яны ўдваіх прыехалі з Гандураса. Паводле яе слоў, яны дабіраліся да ЗША больш за месяц, пераадолеўшы каля двух з паловай тысяч кіламетраў. Калі жанчыну затрымалі, яна трымала дачку на руках; перад ператрусам ёй загадалі апусціць дачку на зямлю, пасля чаго дзяўчынка заплакала. 

На мяжы быў створаны цэнтр утрымання мігрантаў, і дзяцей трымалі асобна ад бацькоў. Фатаграфія стала папулярнай, і выклікала абурэнне амерыканскага грамадства.

Убачыўшы адзін з гэтых здымкаў, жыхары Каліфорніі Шарлота і Дэйв Уілнэр арганізавалі ў фэйсбуку збор ахвяраванняў. Іх кампанія пад загалоўкам «Дапамажыце імігранту уз’яднацца са сваім дзіцем» стартавала 16 чэрвеня. Уілнэры планавалі сабраць некалькі тысяч даляраў, а ў выніку было сабрана некалькі мільёнаў даляраў.

Гэтыя грошы перададзеныя некамерцыйнай арганізацыі ў Тэхасе, што дапамагае нелегальным імігрантам і бежанцам.

Лепшыя вокладкі сусветных часопісаў ад Жанны Кромер