TikTok накладзе абмежаванні на дзяржаўныя СМІ

Tik­Tok зменіць свае правілы адносна акаўнтаў дзяржаўных СМІ ў рэкамендацыях карыстальнікаў. Акаўнты дзяржаўных СМІ будуць заблакаваныя для размяшчэння рэкламы ў дадатку за межамі іх краін. Пра гэта абвясціла прэс-служба пляцоўкі.

Новыя меры накіраваныя на барацьбу з дэзынфармацыяй.

Платформа пачне ідэнтыфікаваць акаўнты, якія распаўсюджваюць інфармацыю пра глабальныя падзеі за межамі сваёй краіны, і пазбавіць іх магчымасці з’яўляцца ў рэкамендацыях.

Акрамя таго, Tik­Tok прыцягне незалежных экспертаў для ацэнкі акаўнтаў дзяржаўных СМІ і маркіроўкі іх рэкламы. Гэта дапаможа павысіць медыяпісьменнасць карыстальнікаў і забяспечыць цэласнасць платформы.

Раней было абвешчана, што Tik­Tok будзе адзначаць кантэнт, створаны з выкарыстаннем штучнага інтэлекту, каб павялічыць празрыстасць у сацыяльных сетках.