Алесь Сабалеўскі

Звесткі пра асуджаных да зняволення магілёўскіх журналістаў Яўгена Глушкова і Алеся Сабалеўскага 11 кастрычніка з’явіліся ў пераліку грамадзян, «датычных да экстрэмісцкай дзейнасці», які складае Міністэрства ўнутраных спраў Беларусі. З дакумента вынікае, што абвінавачанне за ўдзел ва ўзброеным фарміраванні з іх знялі. Пазначана, што абодва журналісты ўжо «адбываюць пакаранне».

Разгляд апеляцыйнай скаргі асуджаных да зняволення журналістаў з Магілёва Алеся Сабалеўскага і Яўгена Глушкова распачнецца 27 верасня а 9.30 раніцы. Паводле раскладу на сайце Вярхоўнага суда, суддзём прызначаны Максім Філатаў.

Сусветная сетка IPI (Міжнародны інстытут прэсы) асудзіла турэмныя прысуды беларускім журналістам Алесю Сабалеўскаму і Яўгену Глушкову, якія былі арыштаваныя ў снежні 2023 года і прызнаныя вінаватымі па палітычна матываваных абвінавачаннях. 

Журналіста Алеся Сабалеўскага і відэааператара Яўгена Глушкова вінавацілі ва ўдзеле у экстрэмісцкім і ўзброеным фармаваннях. Судовы працэс распачаўся 12 ліпеня ў Магілёўскім абласным судзе, з таго моманту адбылося пяцьсудовых пасяджэнняў. 31 ліпеня прагучаў прысуд.

Пачатак судовага працэсу над журналістам Алесем Сабалеўскім і відэааператарам Яўгенам Глушковым прызначаны на 12 ліпеня ў Магілёўскім абласным судзе. Разбіраць аб’яднаную крымінальную справу ў дачыненні да іх прызначаны суддзя Дзмітрый Крэнжыеўскі.