Сыноў Дзмітрыя Партона арыштавалі, яго праграма не выйшла на «Радыё-Мінск»
11 снежня 2020
10 снежня на "Радыё-Мінск" не выйшла праграма "Прычыны і следства", якую вядуць былы прэс-сакратар МУС, а цяпер намеснік дырэктара холдынгу "Мінск-Навіны" Дзмітрый Партон і афіцыйная прадстаўніца Следчага камітэта Юлія Ганчарова. Напярэдадні стала вядома, што сыноў Партона Арцёма і Андрэя, затрыманых падчас нядзельнага пратэстнага маршу, асудзілі на 13 сутак арышту.
Атрымаць каментар у Дзмітрыя Партона не атрымалася. Ледзь пачуўшы, хто яму тэлефануе, ён кінуў слухаўку.
— Да канца года праграма выходзіць не будзе, пасля Новага года — пакуль невядома, — адказваюць нам у рэдакцыі «Радыё-Мінск». У чым прычына, у рэдакцыі не ведаюць.
Вядучая праграмы Юлія Ганчарова распавядае Еўрарадыё, што не змагла весці праграму 10 снежня, таму што захварэла («Не, не каранавірус»).
— Як толькі будзе новая праграма, мы пра гэта паведамім, — абяцае яна. Паводле яе слоў, калі вядучыя сыходзяць на вакацыі альбо ў сілу нейкіх непераадольных абставінаў не могуць прыняць удзел у «Прычынах і следстве», эфіры не адмяняюцца.
— У дадзеным выпадку я знаходжуся на бальнічным, адказваю за сябе, — кажа Ганчарова. — Не хвалюйцеся. Гэта не нейкая звышнатуральная падзея. Такое здараецца.
@bajmedia
«TUT.BY — это моя история». Белоруска нашла байку белорусского медиа в контейнере для одежды в Гданьске
26.02.2024
BYSOL адкрыў дабрачынны збор у падтрымку палiтзняволеных беларусак
27.02.2024
Святлана Ціханоўская: «Мы – голас беларускіх палітвязняў, і нам нельга маўчаць ні дня»
21.05.2024
Супраць блогера Андрэя Павука распачалі справу паводле 13 крымінальных артыкулаў
19.03.2024
