Сябра БАЖ Таццяна Ткачова — пераможца міжнароднага фестывалю Vilniaus fotografijos ratas

Міжнародны фестываль фотажурналістыкі Vil­ni­aus fotografi­jos ratas адбыўся ў Вільнюсе ўжо ў дзесяты раз. У конкурсе бралі ўдзел 246 фотагісторый ад 186 фотажурналістаў з усяго свету!

Галоўны прыз атрымаў грэчаскі фатограф Георгас Мотафіс (Gior­gos Moutafis) з фотагісторыяй пра бежанцаў.

Падчас цырымоніі ўганаравання Георгас Мотафіс сказаў, што шкадуе аб перамозе працаў на гэтую тэму, бо многа людзей, якія ўцякалі ў Еўропу ад вайны, загінулі на гэтым шляху.  Мотафіс адзначыў, што гэтая перамога ёсць знакам памяці загінулым.

Традыцыйна сёлета ў межах фестывалю праводзіўся конурс “Хатняе заданне” для маладых фатографаў да 30 год. У гэтым годзе ў конкурсе спаборнічалі 52 асобы з 59 фотагісторыямі.

Сябра ГА “БАЖ” Таццяна Ткачова перамагла ў конкурсе з фотагісторыяй “Маластоўка”. Гэта гісторыя пра вёску, у якой вырасла Таццяна, пра перамены, якія адбыліся ў месцы, дзе прайшло дзяцінства аўтара.

У гэтыя выходныя працы пераможцаў былі прадстаўленыя ў выставачным цэнтры  “Літэкспа” і на Вільнюсскай кніжнай ярмарцы. Пазней працы будуць паказваць на іншых пляцоўках Літвы.

Гутарка з Таццянай Ткачовай неўзабаве з’явіцца на сайце baj.by