Справу супраць журналіста Яўгена Меркіса перадалі ў суд

Сілавікі затрымалі Яўгена Меркіса 13 верасня 2022 года, абвінаваціўшы паводле артыкула 361–4 КК — «Садзейнічанне экстрэмісцкай дзейнасці». У чым канкрэтна выявілася «садзейнічанне» не паведамляюць дагэтуль. Пасля затрымання па месцы жыхарства журналіста адбыўся ператрус з выняткам носьбітаў інфармацыі. Ператрусы праведзеныя былі таксама ў жыллі яго бацькі, а таксама сяброў.

Ад верасня Яўгена ўтрымліваецца ў гомельскім СІЗА № З. Сёлета ў сакавіку пасля заканчэнння следства ён меў кароткатэрміновую сустрэчу з роднымі. На здароўе не скардзіўся, хоць прастудных захворванняў не мінаваў. У снежні пабываў у карцары нібыта за тое, што не пагаліўся.

Перад арыштам Меркіс ужо шмат месяцаў не меў дачынення да журналістыкі. Журналісцкую дзейнасць яму давялося пакінуць з прычыны таго, што шэраг незалежных СМІ, у тым ліку і тыя, з якімі супрацоўнічаў, улады аднеслі да “экстрэмісцкіх фармаванняў”.

Як гісторык па адукацыі Яўген засяродзіўся на краязнаўстве. Атрымаў сертыфікат экскурсавода, у тым ліку і для працы з замежнікамі на нямецкай мове. Валодае таксама і ангельскай мовай, у СІЗА спрабаваў вывучыць яшчэ і французкую, але, наколькі вядома, меў цяжкасці з атрыманнем падручнікаў.

Паводле абвінавачання Яўгену Меркісу пагражае ад двух да шасці гадоў зняволення.

Коллеги в тюрьмах. Напишите им письмо поддержки АКТУАЛЬНЫЕ АДРЕСА