Сьледзтва назвала прозьвішча меркаванага арганізатара замаху на Бабчанку

У прэс-службе суду «Украінскай праўдзе» пацьвердзілі, што гаворка ідзе аб падазраваным у арганізацыі замаху на Бабчанку.

Увечары 29 траўня зьявіліся паведамленьні, што ў Аркадзя Бабчанку стралялі на парозе ягонай кватэры ў Кіеве. Пазьней паліцыя заявіла, што Бабчанка памёр у карэце хуткай дапамогі.

30 траўня Служба бясьпекі Ўкраіны паведаміла, што Бабачанка жывы, а замах на забойства быў інсцэніроўкай, каб затрымаць арганізатара. Паводле СБУ, забойства Бабчанкі замовілі расейскія спэцслужбы.