«СБ» абнародавала «праслушку» тэлефонаў затрыманых журналістак tut.by
7 жніўня 2018
Выданне Адміністрацыі прэзідэнта — газета "СБ. Беларусь сегодня" апублікавала матэрыялы следства па "справе БЕЛТА". У матэрыяле за аўтарствам "Аддзела журналісцкіх расследаванняў" з'явіўся гуказапіс тэлефоннай размовы паміж супрацоўніцамі парталу tut.by Марынай Золатавай і Ганнай Калтыгінай. Паведамляецца, што запіс перададзены ў выданне следчымі ораганамі.
Фота: pixabay.com
Расшыфроўка размовы:
Золатава: «Ну, мы ж БЕЛТА тырым? Фактычна, вы бераце тыя навіны, якія ў адкрытым доступе? Ці ж вы бераце навіны з падпіскі, не чакаючы таго, як яны з’явяцца ў адкрытым доступе?»
Калтыгіна: «Я табе шчыра скажу: я карыстаюся падпіскай і нават не адчыняю сам сайт БЕЛТА. Ну, практычна ніколі. Таму што па падпісцы гэта з’яўляецца хутчэй. На прэсухах нейкіх і гэтак далей гэта, у прынцыпе, важна. Таму, у прынцыпе, так — мы яе юзаем, мы яе тырым».
Запіс сведчыць, што тэлефоны журналістак tut.by праслухоўвалі ўжо нейкі час.
Нагадаем, што сёння адбыліся ператрусы ў офісах tut.by і БелаПАН, а таксама дома ў некаторых журналістаў. Вядома пра затрыманне прынамсі шасці журналістаў і рэдактараў: з tut.by затрымалі Марыну Золатаву, Ганну Калтыгіну, Галіну Уласік, Ульяну Бабаед, Дзмітрыя Бобрыка, Ганну Ермачонак, з БелаПАН — Таццяну Каравянкову.
Заява з нагоды ператрусаў у рэдакцыях СМІ і затрыманняў журналістаў
@bajmedia
Инвазия пропаганды в Telegram и TikTok. Что кроется за тенденцией?
02.11.2023
Детский ютуб — это эксплуатация? Мнение исследовательницы новых медиа Екатерины Колпинец
17.12.2023
«Калі не забілі, то пашчасціла». Беларус прывозіць з гарачых кропак дакументальныя фільмы. ВІДЭА
31.07.2024
Як бяспечна чытаць навіны ў Telegram, калі вы ў Беларусі
05.10.2023
