Сайт pozirk.online недаступны ў Беларусі
7 лютага 2024
Сайт інфармацыйнага рэсурсу «Позірк» не адчыняецца з Беларусі. Верагодна, яго заблакавалі па патрабаванню ўладаў.
Сайт pozirk.online стаў недаступны для карыстальнікаў з Беларусі. Пра гэта каманда «Позірка» паведаміла ўвечары 6 лютага 2024 года. Верагодна, сайт заблакавалі па патрабаванню ўладаў. Паводле інфармацыі медыя, афіцыйных паведамленняў ад Мінінфарма аб абмежаванні доступу да рэсурсу не было.
Доступ для карыстальнікаў унутры краіны зараз магчымы праз сэрвісы VPN.
Сайт pozirk.online пачаў працаваць 16 кастрычніка мінулага года. 5 снежня 2023 года суд Цэнтральнага раёна Мінска прызнаў яго кантэнт «экстрэмісцкімі матэрыяламі».
21 красавіка 2023 года гэты ж суд ужо прызнаваў «экстрэмісцкім» кантэнт «Позірка» ў сацсетках і на сайце bpn-info.online.
Медыяпраект «Позірк» створаны ў вымушанай эміграцыі часткай каманды незалежнага інфармацыйнага агенцтва БелаПАН і інтэрнэт-газеты Naviny.by, разгромленых уладамі ў 2021 годзе.
У 2021 годзе КДБ далучыў агенцтва БелаПАН да спісу «экстрэмісцкіх фарміраванняў». За кратамі зараз знаходзяцца дырэктар БелаПАН Ірына Леўшына (асуджаная на 4 гады пазбаўлення волі ў калоніі), былы дырэктар кампаніі Дзмітрый Наважылаў (на 6 гадоў), былы намеснік дырэктара Андрэй Аляксандраў (на 14 гадоў).
Чытайце яшчэ:
БАЖ пачаў маніторынг прарасійскай прапаганды на дзяржтэлеканалах Беларусі
Амбасады Швецыі і Вялікабрытаніі заклікалі вызваліць медыяменеджара Андрэя Аляксандрава
СМІ ў Беларусі ў 2023 годзе. Электронны бюлетэнь БАЖ
@bajmedia
Вядомы фотапраект «Пагоркі і грудкі», які спрабуе раскрыць філасофію беларускага пейзажу, едзе ў Вільню
27.06.2024
У Вільні да ўгодкаў Чарнобыльскай трагедыі адкрыецца выстава легендарнага фатографа Уладзіміра Сапагова
26.04.2024
«Экстрэмісцкімі» прызналі інфармацыйныя рэсурсы оrsha.eu, «Народны рэпарцёр» у «Одноклассниках» і «Новы Час» у TikTok
20.06.2024
28 чэрвеня ў Варшаве раптоўна памёр віцебскі праваабаронца Леанід Свецік
29.06.2024
