Рэдактар сайта orsha.eu Ігар Казмерчак аштрафаваны на 25 базавых велічынь
5 красавіка 2017
Суд Оршы і Аршанскага раёна прызнаў яго вінаватым паводле часткі 1 арт. 23.34 КаАП — нібыта за ўдзел у несанкцыянаванай акцыі пратэсту супраць Дэкрэта № 3.
Акцыя пратэсту адбылася ў Оршы 12 сакавіка, многія журналісты асвятлялі гэтую падзею. Некаторыя з іх былі асуджаныя да штрафаў ужо назаўтра. Але Ігара Казмерчака ў той дзень не затрымлівалі, і матэрыял пра “Марш недармаедаў” выйшаў на сайце.
Затрыманне адбылося роўна праз два тыдні, 26 сакавіка, калі Ігар Казмерчак накіроўваўся на чарговую акцыю незадаволеных дэкрэтам. Яго прывезлі ў райаддзел міліцыі, склалі пратакол, але дату суда загадзя не паведамілі. Больш за тое: 5 красавіка яму патэлефанавалі з міліцыі і папрасілі зайсці нібыта для ўдакладнення нейкіх фармальнасцяў. Аднак скончылася тым, што рэдактару сайта ўручылі судовую позву.
Адміністрацыйную справу разглядала суддзя Юлія Хаткевіч. Яна пастанавіла аштрафаваць Ігара Казмерчака на 575 рублёў. Нагадаем, пасля аршанскага “Маршу недармаедаў” былі аштрафаваныя журналісткі Галіна Абакунчык і Кацярына Бахвалава. Рэдактар сайта orshatut.by Віктар Андрэеў, які выступаў на мітынгу, быў асуджаны на 13 сутак арышту.
@bajmedia
«Затрымалі на святы». У Гродне працягваюцца затрыманні за падпіску на Instagram Руслана Кулевіча
09.01.2024
Выйшлі на волю былы журналіст БТ Дзмітрый Лукша і яго жонка Паліна Палавінка
23.08.2024
Беларусь пагоршыла свае паказчыкі ў глабальным рэйтынгу Freedom House «Свабода ў інтэрнэце» за 2024 год
16.10.2024
Суд у Гродне не стаў разглядаць пазоў мясцовага медыя да прапагандысткі Бондаравай
14.05.2024
