Расія не вярнула цела журналісткі Вікторыі Рошчынай у рамках абмену 18 кастрычніка

Цела загінулай у расейскім палоне журналісткі Вікторыі Рошчынай не вярнулі ва Ўкраіну ў рамках абмену 18 кастрычніка. Пра гэта выданню «Суспiльне» паведаміў прадстаўнік Каардынацыйнага штаба па абыходжанні з ваеннапалоннымі Пятро Яцэнка.

Вікторыя Рошчына. Фота: сацсеткі

Пятро Яцэнка заявіў, што «штаб робіць усё магчымае і немагчымае, каб мы змаглі атрымаць усе адказы на пытанні, якія ўсіх у нашым грамадстве хвалююць».

Паводле яго словаў, пакуль рана казаць пра прычыны смерці журналісткі, у прыватнасці, ці ўжываліся ў адносінах да яе катаванні. У той жа час прадстаўнік украінскіх уладаў адзначыў, што расійскі бок можа затрымліваць рэпатрыяцыю, каб схаваць сляды меркаванага злачынства.

Яцэнка распавёў, што праца па вяртанні цела Вікторыі Рошчынай пачалася адразу пасля паведамленне пра яе смерць. 

«На жаль, усё залежыць ад супрацьлеглага боку, таму мы не можам назваць дакладную дату рэпатрыяцыі», — сказаў ён.

«Ее было невозможно остановить». История украинской журналистки Виктории Рощиной, которую убил российский плен