Публічная лекцыя эксперта Офіса прадстаўніка АБСЕ па свабодзе СМІ
17 снежня 2015 года Цэнтр прававой трансфармацыі (Lawtrend) і Лятучы ўніверсітэт запрашаюць на публічную лекцыю Дэніз Язічы "Доступ да інфармацыі і прыватнасць у лічбавую эпоху: чаму гэта важна?"
У часе лекцыі спн. Язічы раскажа пра важнасць ролі права на доступ да публічнай інфармацыі як кампанента свабоды выказвання меркаванняў і яго шчыльнай сувязі з правам на недатыкальнасць прыватнага жыцця. Пра выпадкі, калі гэтыя правы могуць як дапаўняць, так і ўступаць з адзін з адным у канфлікт. Пра тое, як у сучасную інфармацыйную эпоху права на інфармацыю і прыватнасць закліканыя забяспечыць падсправаздачнасць інстытутаў дзяржавы грамадству і абарону інтарэсаў грамадзян.
Публічная лекцыя адбудзецца ў прасторы «ЦЭХ» (Мінск, вул. Кастрычніцкая, 16) а 19‑й гадзіне. Уваход вольны.
Пра лектара:
Дэніз Язічы – навуковы супрацоўнік Офіса прадстаўніка АБСЕ па пытаннях свабоды сродкаў масавай інфармацыі. Дэніз факусуецца на пытаннях свабоды інфармацыі, доступу да публічнай інфармацыі і інтэрнэт-свабодах у рэгіёне АБСЕ. Яна таксама выступае ў якасці каардынатара па пытаннях развіцця свабоды СМІ ў Паўднёва-Усходняй Еўропе. Мае ступень магістра ў галіне глабалізацыі і развіцця (Універсітэт Варвіка, Англія).
@bajmedia
Алег Агееў: Гэта выклік — як бараніць правы іншых, калі беларускія праваабаронцы самі з’яўляюцца ўразлівай групай
13.12.2023
Саша Раманава: «Цяпер перыяд ахалоджвання да пратэснага парадку дня і пошуку новых аўдыторый і стратэгій»
05.02.2024
Як беларусы здымаюць фільмы за мінімальныя грошы і без падтрымкі дзяржавы
19.10.2024
Telegram пад пагрозай: як новыя палітыкі мэсанджара ўплываюць на беларускую журналістыку
15.10.2024
