Пайшоў з жыцця Юрый Паўлавіч Тапарашаў — вядомы журналіст, юрыст, медыя-трэнер
17 жніўня 2018
Памяці Чалавека і Журналіста.
На 83 годзе пайшоў з жыцця Юрый Паўлавіч Тапарашаў — вядомы журналіст, юрыст, медыя-трэнер.
У свой час ён працаваў загадчыкам аддзела «Вячэрняга Мінска», намеснікам галоўнага рэдактара газеты «Феміда» ў яе лепшыя часы, супрацоўнікам часопіса «Вожык», «Юрыдычнай газеты». Юрый Паўлавіч вёў праграмы «Народны кантроль», «Закон і парадак».
Ён таксама актыўна супрацоўнічаў з часопісам Беларускай асацыяцыі журналістаў «Абажур».
«З Юрыем Паўлавічам мы з трэнінгамі па сучаснай журналістыцы аб’ездзілі практычна ўсе значныя незалежныя рэгіянальныя выданні», — піша Аляксандр Коктыш.
З інтэрв’ю газеце «Бабруйскі кур’ер»:
«Калі вярнуцца да таго часу, калі я працаваў на ТБ, то, нягледзячы на тое, што ў нас быў куратар з ЦК на Карла Маркса, 38, які тлумачыў нам, як і што нам рабіць, мы ўсё роўна рабілі якасны прадукт».
Ён прызнаваўся, што любіць джаз, і казаў, што той падаўжае яму жыццё…
Яго называлі адным з «зуброў» беларускай журналістыкі.
Пахаваны Юры Тапарашаў будзе на Паўночных могілках.
Вечная памяць.
ГА «БАЖ» выказвае шчырыя спачуванні родным і блізкім Юрыя Паўлавіча.
@bajmedia
«Экстрэмісцкі спіс» Мінінфарма: TikTok-акаўнт «Белсата», асабістыя старонкі журналістаў Аляксандра Чарнухі і Сяргея Бяспалава
19.11.2024
«Як жа нам не хапае яго ў гэты жудасны час…» Памяці журналіста Васіля Мацкевіча
11.04.2024
Заснавальнік платформы «Новая Беларусь» анансаваў укараненне персаналізаванай стужкі навін і выкарыстанне штучнага інтэлекту
04.12.2023
За кратамі памёр Ігар Леднік — публіцыст і грамадскі актывіст, зняволены па абвінавачанні за «паклёп на прэзідэнта»
20.02.2024
