Пайшоў з жыцця Аляксей Кароль
14 верасня 2015
12 верасня пайшоў з жыцця Аляксей Сцяпанавіч Кароль – сябра ГА “БАЖ”, галоўны рэдактар недзяржаўнай газеты “Новы час”, гісторык і палітолаг.
Нядаўна спадар Аляксей адзначыў 70-гадовы юбілей.
«Цягам года сп. Кароль змагаўся з ракам лёгкіх, але працягваў актыўна ўдзельнічаць у працы рэдакцыі і грамадскім жыцці Беларусі», – гаворыцца ў рэдакцыйным артыкуле на сайце «Новага часу». – Апошнія тры месяцы сп. Кароль правёў у сям’і сына ў Сінгапуры, дзе праходзіў курс лячэння».
Калегі нагадваюць, што ў чэрвені гэтага года выйшаў у свет аўтарскі дакументальны фільм Аляксея Караля “1990‑я: Як гэта было, і які шлях мы не прайшлі”.
Пахаваюць Аляксея Караля ў Мінску. Дату і месца мемарыяльнай службы паведамяць пазней.
Усіх, хто хацеў бы падзяліцца ўспамінамі пра яго, просяць дасылаць тэксты на адрас рэдакцыі alstepster@gmail.com
ГА «БАЖ» шчыра смуткуе разам са сваякамі і сябрамі Аляксея Сцяпанавіча. Вечная памяць добраму чалавеку.
Дачка Аляксея Караля Ірына Віданава: «Тата адышоў лёгка, у сьне»
@bajmedia
1 студзеня дзень народзінаў адзначае за кратамі журналіст Ігар Карней. Яму спаўнілася 56 гадоў
01.01.2024
Галоўную рэдактарку газеты «Мозырский нефтепереработчик» асудзілі за «экстрэмізм»
11.07.2024
Хто быў сапраўдным бацькам радыё? Адказвае эксперт
13.02.2024
Блогера Аляксандра Ігнацюка пачнуць судзіць 15 сакавіка. Абвінавачанне ў садзеянні экстрэмізму знялі, але дадалі новае
13.03.2024
