Пасля поўнага заняпаду стаў ажываць «Магілёўсаюздрук»
1 лістапада 2022
З канца кастрычніка сталі аднаўляць працу асобныя кіёскі «Магілёўсаюздруку» ў Магілёве, Бабруйску, Чавусах. Супрацоўнікі сеткі нясмела выказваюць аптымізм, што да канца года адновяць працу некалькі дзясяткаў гандлёвых пунктаў прадпрыемства, піша Магілёў.Media.
Шматлікія кіёскі прадпрыемства не працавалі з чэрвеня-ліпеня гэтага года. У жніўні кіраўніцтва ААТ «Магілёўсаюздрук» падало хадайніцтва ў суд аб прызнанні банкруцтва з‑за вялікіх запазычанасцяў. Тады ж быў прызначаны крызісны кіраўнік, а «Магілёўсаюздрук» узяў курс на вяртанне пазык крэдыторам.
У 2022 годзе «Магілёўсаюздрук» стаў паступова закрываць свае гандлёвыя пункты. Паліцы ж многіх з аб’ектаў гандлю, якія засталіся, стаялі напаўпустымі, бо з‑за фінансавых цяжкасцей прадпрыемства не магло закупаць папярэдні асартымент тавараў.
У выніку, калі па стане на студзень 2018 года «Магілёўсаюздрук» меў гандлёвую сетку з 224 пунктаў розных відаў, то на жнівень 2022 года засталося толькі 43 аб’екты ў Магілёве, Бабруйску і Чавусах, ды і тыя да верасня зачыніліся. Наколькі будзе працяглае і трывалае цяперашняе аднаўленне — пакажа час.
Чытаць яшчэ:
Журфак БГУ сократит количество специальностей
Прокуратура рассказала, в чем обвиняют экс-главу президентского пула ОНТ Дмитрия Семченко. Ему грозит до пяти лет заключения
Минского блогера и экс-сотрудника ОНТ повторно осудили на два года
@bajmedia
Вялікабрытанія і ЗША запатрабавалі ад Беларусі перастаць рэпрэсаваць журналістаў
05.05.2024
У Маскве арыштавалі журналіста, які супрацоўнічаў з «Белсатам»
27.04.2024
Беларускія медыйшчыцы атрымалі ўзнагароды за ўнёсак у развіццё медыясектара і прыклад публічнага жаночага лідарства
06.08.2024
CPJ заклікае да неадкладнага вызвалення журналіста Андрэя Толчына
22.03.2024
