Папаўненне cпісу экстрэмісцкіх матэрыялаў: «Информ-Прогулка», Tik-Tok «Belsat TV», тэлеграм-каналы «Беларускае Радыё Рацыя» і «Квят-агляд»

Так, рашэннем суда Лунінецкага раёна Брэсцкай вобласці ад 20 кастрычніка 2023 года прызнаная «экстрэмісцкай» інфармацыйнай прадукцыяй інтэрнэт-старонка «Информ-Прогулка» (ідэнтыфікатар inform-progulka.by). Рашэнне мусіць быць «неадкладкладна выкананым у адпаведнасці з 314 артыкулам Грамадзянскага кодэкса», паведамляецца Мінінфарм. Недзяржаўнае рэгіянальнае інтэрнэт-выданне «Информ-Прогулка» асвятляе жыццё Лунінца і рэгіёна.

Таксама прызнаны экстрэмісцкім акаўнт «Bel­sat TV» у сацсетцы Tik-Tok, які мае ідэнтыфікатар @belsat_tv. Рашэнне прынятае судом Барысаўскага раёна Мінскай вобласці 24 кастрычніка 2023 года.

У гэты ж дзень, 24 кастрычніка, суд Лідскага раёна Гродзенскай вобласці вызначыў «экстрэмісцкімі» Тele­gram-канал пад назвай «Квят-агляд» з ідэнтыфікатарам t.me/sever_kviat (1001507782250) і лагатып «Квят-агляду», які ўяўляе сабой «фотаздымак мужчыны».

Нагадаем, канал «Квят-агляд» вядзе журналіст Севярын Квяткоўскі.

27 кастрычніка суд Лідскага раёна Гродзенскай вобласці прызнаў «экстрэмісцкім» Telegram-канал пад назвай «Беларускае Радыё Рацыя», які мае ідэнтыфікатар t.me/racyja і ідэнтыфікатар, што ўтрымлівае спалучэнне лічбаў 1001271476132. «Экстрэмісцкім» таксама прызнаны Face­book-акаўнт пад назвай «Беларускае Радыё Рацыя» — facebook.com/racyja, лагатып у выглядзе «схематычнай выявы герба «Пагоня» залацістага колеру на бел-чырвоным фоне».

Чытайце яшчэ: 

«Я адрозніваю, дзе прапаганда, а дзе праўда. Тады мне варта паступаць на журфак БДУ?» На складанае пытанне адказвае Глафіра Жук

«Любое чувство не захватывает нас навсегда». Психолог о том, как сегодня читать плохие новости

«Вся страна сейчас живет так, как годами жили пострадавшие от домашнего насилия». Большой разговор с Ольгой Горбуновой